2019 йилнинг "Обод қишлоқ"лари

jpg jpeg gif png txt doc docx xls xlsx pdf ppt pptx pps ppsx odt ods odp mp3 mov mp4 m4a m4v mpeg avi ogg oga ogv weba webp webm

"Обод қишлоқ" дастурига асосан жорий йилда вилоятимизнинг 14 туманида 118 мингдан ортиқ аҳоли истиқомат қиладиган 42 та қишлоқда қурилиш, ободонлаштириш ишлари олиб борилади. Булар:

Оқдарё туманидаги Кумушкент, Темирак, Пахтаобод.

Булунғур туманидаги Чангал-1, Хўжамазгил, Янгиариқ.

Жомбой туманидаги Эски Жомбой, Бешбола, Ширинкент.

Иштихон туманидаги Азамат, Халқобод, Бўстон.

Каттақўрғон туманидаги Алижон, Муллакўрпа, Валижон.

Нарпай туманидаги Гулистон, Умид, Тошкент.

Нуробод туманидаги Улус (Иттифоқ), Улус, Халқобод.

Пайариқ туманидаги Наврўз, Янгиҳаёт, Олмазор. 

Паст Дарғом туманидаги Беклар, Оқолтин, Чандир.

Пахтачи туманидаги Бурқут, Тараққиёт, Шамсиназар.

Самарқанд туманидаги Паррандачилик, Гулобод, Чакка.

Тойлоқ туманидаги Олмазор, Навбаҳор, Хўжақишлоқ.

Ургут туманидаги Оқмачит, Тинч­лик, Сариқтепа.

Қўшработ туманидаги Жўш, Булоқбоши, Заркент қишлоқлари.

Бу қишлоқларда дастур доирасида умумий узунлиги 437,6 километр ички йўлларни таъмирлаш ва реконс­трукция қилиш, 1964 дона тунги ёритиш устунлари ва умумий узунлиги 279,9 километр бўлган кўчаларнинг тунги ёритиш тизимини яхшилаш, ободонлаштириш ишларини олиб бориш белгиланган. Аҳолига транспорт хизмати кўрсатишни яхшилаш учун 73 та авто­бекат қурилиб, 17 та замонавий автобус харид қилинади. Қишлоқларда аҳолини тоза ичимлик суви билан таъминлаш учун 171,3 километр янги тармоқ, 35 та сув иншооти қурилади, 31,9 километр тармоқ ҳамда 19 та сув иншооти таъмирланади. Қарийб 15 мингта якка тартибдаги, 57 та кўп қаватли уйлар, 16 та мактабгача таълим, 84 та мактаб, 24 та соғлиқни сақлаш объектларини қуриш ва таъмирлаш ишлари олиб борилади. 296 километр ирригация ва 139,2 километр мелиорация объектларини қуриш ва таъмирлаш, 27 километрда ирригация объектларида тозалаш ишлари бажарилади.

Бу ишларни бажариш учун жами 372,062 миллиард сўм йўналтирилади.

2015-2024 © Ishtixon tuman hokimligi. Sayt yaratuvchisi: SAKTRM