Кундалик ишларимиз ва ижтимоий ҳаётимизда бозор ва дўконлар энг муҳим аҳамиятга эга бўлган жой ҳисобланади десак, хато бўлмайди. Ҳар бир инсон кундалик эҳтиёжи юзасидан бир кунда ҳеч бўлмаганда бир марта дўконга кириб, нақд пулга бирор бир нарса харид қилишга кўниккан. Маълумки, пластик карталар орқали савдо қилганимизда, биз талаб қилмасак ҳам харид чекини беришади. Шу ўринда ҳақли бир савол туғилади, биз нақд пулга қилаётган харидларимиз учун чек талаб қилаяпмизми? Бу саволга узоқ ўйламасдан “Йўқ” десак, адашмаган бўламиз.
Харид чекини талаб қилиш орқали инфиляция(нақд пулнинг қадрсизланиши)олдини олиш, ота-онамизнинг пенсия ва ижтимоий нафақаларини вақтида берилиши, давлатимиз бюджетини ўсиши, қўйингки, мамлакатимиз тарқаққиёти учун ўз ҳиссангизни қўшган бўласиз. Сизга арзимас кўринган чекнинг аҳамияти жуда муҳимдир.
Унутманг! Ҳар қандай харид учун тўланган нақд пулларга назорат касса машинасидан харид чеки бермаслик: Ўзбекистон Республикаси Солиқ кодексининг 221-моддасига асосан, 5 миллион сўм миқдорида молиявий жарима қўлланилиши белгиланган.
Кунлик қилинган харидингиз учун чек талаб қилишни унутманг! Акцияда фаол иштирок этинг.
Иштихон туман ДСИ