Туманимизда ижод аҳли доимо эъзоз ва ардоқдадир. Азамат қишлоғида яшовчи Нилуфар Ҳамроева имконияти чекланганлигига қарамасдан шижот ва матонатлилиги боис болалигидан ижод билан шуғулланиб, шеър ёзишни машқ қилиб келган.
Ёш шоиранинг шу кунга қадар, 3 та шеърий китоблари нашр этилиб, республика миқёсидаги газета ва журналларда мақола ва шеърлари эълон қилинган.
Ҳа, имконияти ва оилавий муҳтожлигига қарамасдан ҳеч кимдан ёрдам сўрамай борига қаноат қилган ҳолда, яшаб келаётган бу оиланинг сабр ва матонатига қойил қолмасдан илож йўқ.
Ушбу ижодкорни ижоди билан қизиққан туман ҳокими Шуҳрат Негматов, Нилуфар Ҳамроеванинг хонадонига ташриф буюриб, у билан суҳбатлашди, озиқ-овқат маҳсулотлари билан бирга, ноутбук ҳам совға қилди ва уни доимо қўллаб -қувватлашини айтиб, ижодий баркамоллик тилади.
Шоиранинг ота-онаси Тимур Ҳамроев ва Бувсара Мелиеваларга ўз миннатдорчилигини билдирди.
Иштихон туман ҳокимлиги ахборот хизмати