ОММАВИЙ ЮРИШ МАРАФОНИ ЎТКАЗИЛДИ
Бугун эрта тонгдан 22 сентябр-"Халқаро автомобилсиз кун" муносабати билан Иштихон туман ҳокими Шуҳрат Негматов бошчилигида "Соғлом ҳаёт учун 5 минг қадам" лойиҳаси асосида оммавий юриш марафони ўтказилди.
Марафонда, туман сектор раҳбарлари, ҳоким ўринбосарлари, спортчилар ҳамда кенг жамоатчилик иштирок этишди.
Дастлаб, марафон туманга кириш қисмидаги марказий кўчадан бошланиб, "Устозлар боғи"гача давом эттирилди.
Сўнгра, иштирокчилар боғда эрталабки бадантарбия билан шуғулланишди. Шундан сўнг барча ўз иш жойларига йўл олишди.
Иштихон туман ҳокимлиги Ахборот хизмати