Махсус имкониятлар
21 ёшга тўлган, ўрта ёки олий маълумотга, қоида тариқасида, сайлов соҳасида иш тажрибасига ва аҳоли ўртасида ҳурматга эга фуқаролар вилоят, туман ва шаҳар ҳамда округ ва участка сайлов комиссияларининг аъзоси бўлиши мумкин. Бу ҳақда Олий суднинг телеграм каналида хабар берилмоқда.
Бошқа сайлов комиссиялари ва сиёсий партияларнинг аъзолари, ҳокимлар, прокуратура ва судларнинг мансабдорлари, номзодларнинг яқин қариндошлари ва ишончли вакиллари, шунингдек номзодларга бевосита бўйсунувчи шахслар сайлов комиссиясининг аъзоси бўлиши мумкин эмас.
Участка сайлов комиссияси аъзоларининг ярмидан кўпи битта ташкилотдан тавсия этилиши мумкин эмас.
