Янгиликлар

Дам олиш кунлари тоғолди жойларда қисқа муддатли ёмғир ёғиб, момақалдироқ бўлиши кутилмоқда

Бугун кундузи ҳаво ҳарорати 30-35 даражани ташкил этди.

Эртага тоғ ва тоғолди ҳудудларининг айрим жойларида қисқа муддатли ёмғир ёғиши ва момақалдироқ бўлиши кутилмоқда. Республиканинг қолган қисми ёғингарчиликсиз бўлади, деб хабар берди "Ўзгидромет".

Ҳаво ҳарорати бир хил меъёрда сақланиб қолади ва кечаси 15-20 даража, кундузи 30-35 даража иссиқ бўлади.

Июль ойининг бошланиши Ўзбекистонда қулай ҳарорат билан белгиланади. Бу кунларда ҳаво ҳарорати меъёр оралиғида бўлиши кутилади ва кечаси 17-22 даража, кундузи 32-37 даража иссиқ бўлади.

Иштихонда 22 минг 400 тонналик улкан ғалла хирмони яратилди

Иштихонлик ғаллакорлар давлатга дон топшириш йиллик режасини бажарди. Жорий йилда об - ҳавонинг ноқулай келганлиги ҳеч кимга сир эмас. Аммо шундай бўлишига қарамай иштихонлик ғаллакорларнинг тинимсиз меҳнати, агротехника ишларини ўз вақтида амалга оширилиши, мавжуд имкониятлардан унумли фойдалана олишлари натижасида гектарига 70 центнердан ортиқ ғалла етиштиришга эришилди. Натижада режада белгиланган 22 минг 392 тонна ўрнига давлатга 22 минг 400 тонна ғалла топширилди.

Мақсадлининг қилган иши ҳаммага фойда, мақсадсизники эса фақат ўзига зарар

Мамалакатимизда тадбиркорликка яратиб берилаётган имкониятлар йилдан йилга кенгайиб бормоқда. Бу имкониятлардан унумли фойдалана олаётган ишбилармон, тадбиркор инсонлар учун ўз бизнес ғояларини ҳаётга тадбиқ этиш эшиклари очилмоқда. Бу эса маҳсулот ишлаб чиқариш, иш ўринлари яратиш масалаларида ўз самарасини бериб келмоқда.

COVID-19 инфекциясига қарши шошилинч чоралар кўриш лойиҳаси амалга оширилади

“Жаҳон банки иштирокида “Ўзбекистонда коронавирус COVID-19 инфекциясига қарши шошилинч чоралар кўриш” лойиҳасини амалга ошириш чора-тадбирлари тўғрисида” Президент қарори (ПҚ–4772-сон, 02.07.2020 й.) қабул қилинди.

Қарор билан “Ўзбекистонда коронавирус COVID-19 инфекциясига қарши шошилинч чоралар кўриш” лойиҳаси параметрлари тасдиқланди.

2015-2020 © Иштихон туман ҳокимлиги. Сайт яратувчиси: SAKTRM