– Koʻktepa mahalla fuqarolar yigʻini hududidagi Chinoq qishlogʻining ichki yoʻllari yaroqsiz holga kelib qolgan. Katta yoʻlga chiqib olish va qaytishda texnika ham, oʻzimiz ham “it azobini“ yeymiz. Joriy yilda shu yoʻlimiz asfalt qilinadimi?

2018 йилда ўтказилган “Очиқ мулоқот” дастурида туманимизнинг 26 нафар фуқаролари томонидан 28 та мурожаатлар билдирилди. Халқимизнинг турмуш тарзида учраётган муаммолар, туман ижтимоий-иқтисодий юксалиши билан боғлиқ масалалари билан жиддий шуғулландик

Чунки бу мурожаатларни ўзимиздан ташқари, вилоят ҳокимлиги, туман жамоатчилиги, қолаверса, вилоят телерадиокомпанияси ижодкорлари ҳам назоратга олиб туришди. Бунинг самарасида илк мулоқотимизда билдирилган масалалар тўлиқ ижобий ҳал этилди.

2019 йил 6 январь куни, соат 20.00 да Самарқанд вилоят телерадиокомпанияси орқали тўғридан-тўғри эфирга узатиладиган “Очиқ мулоқот” кўрсатувида Иштихон тумани ҳокими Ш.Негматов ҳамда тумандаги корхона-ташкилот, муассаса раҳбарлари иштирокида мулоқот бўлади.

Сиз ўзингизни қийнаётган муаммолар бўйича кўрсатувгача ва кўрсатув давомида (66) 233-96-01, 233-96-07 рақамли телефонларга қўнғироқ қилиб, саволингизни йўллашингиз мумкин.