Bugun Ishtixon tumani hokimi Fazliddin Ruziyev, tuman prokurori Uchqun Butunov, viloyat va tuman mutassadilari tumanning “Jo‘ra Mahmudov” mahallasi fuqarolari bilan uchrashuv o‘tkazdi. 

Uchrashuvdan asosiy maqsad – eski ta’mir talab ko‘p qavatli uylar o‘rniga yangi, zamonaviy ko‘p qavatli uy-joylar (domlar) qurish bo‘yicha tushuntirish berilib aholi fikr-mulohazalari eshitildi.

Uchrashuvda mahalla aholisiga yangi qurilish rejalari va ularning amalga oshirilishi bo‘yicha batafsil ma’lumotlar berildi. Eski uylarni buzib, ular o‘rniga zamonaviy standartlarga javob beradigan yangi uy-joylar qurish rejasi aholining uy-joy sharoitini yaxshilashga qaratilgani ta’kidlandi. 

Shuningdek, yangi quriladigan uylarning loyihasi, ularning qulayliklari, muhandislik-kommunikatsiya tizimlari haqida ma’lumotlar taqdim etildi.
——
ISHTIXON TUMANI HOKIMLIGI AXBOROT XIZMATI