Ishtixon tuman sektor rahbarlari “Xonaqo” mahallasi hududida joylashgan 42-umumta’lim maktabida bo‘lishdi. Tuman rahbarlari maktabda olib borilayotgan qo‘shimcha yangi bino qurilish ishlari bilan yaqindan tanishdilar.

Ushbu qo‘shimcha yangi binoda 180 nafar o‘quvchiga mo‘ljallangan sinf xonalari tashkil etiladi. 

Shuningdek, binoda zamonaviy talablarga javob beradigan oshxona, kutubxona va faollar zali ham qurilmoqda. Qurilish ishlari jadal suratlarda davom ettirilmoqda, va yangi inshootning tez fursatlarda foydalanishga topshirilishi rejalashtirilgan.

42-umumta’lim maktabiga qo‘shimcha yangi binoning qurilishi, shubhasiz, mahalliy aholiga, ayniqsa, bolalarning ta’lim olish jarayoniga ijobiy ta’sir ko‘rsatadi.
——
ISHTIXON TUMANI HOKIMLIGI AXBOROT XIZMATI