Ishtixon tumanida yana bir yangi maktabgacha ta’lim tashkiloti ochildi!

Bugun Ishtixon tumanining 2- sektor hududi “Do‘stlik” mahallasida quvonchli yangilik bo‘ldi — zamonaviy va barcha qulayliklarga ega bo‘lgan yangi maktabgacha ta’lim tashkiloti o‘z faoliyatini boshladi.

“Olimpia g‘unchalari” deb nomlangan ushbu bog‘chaning ochilish marosimi tantanali ruhda o‘tkazildi. Tadbirda tuman hokimi Fazliddin Ruziyev, tuman prokurori Uchqun Butunov hamda keng jamoatchilik vakillari ishtirok etdi.

Mazkur ta’lim muassasasi bolajonlar uchun yorug‘ va zamonaviy sharoitlar yaratish maqsadida tashkil etilgan bo‘lib, bu yerda bolalarning ta’lim-tarbiya olishi, intellektual va ijodiy rivojlanishi uchun barcha zaruriy imkoniyatlar mavjud.

Yangi bog‘cha faoliyati tumanning ta’lim sohasida yanada rivojlanishiga hamda yosh avlodning kelajakda yuksak natijalarga erishishiga hissa qo‘shadi.
——
ISHTIXON TUMANI HOKIMLIGI AXBOROT XIZMATI