Ishtixon tumanining olis hududlaridan biri hisoblangan “O‘zbekqurg‘on” mahallasida yangi zamonaviy maktabgacha ta’lim muassasasi tantanali ravishda foydalanishga topshirildi.

Ushbu yangi maktabgacha ta’lim tashkiloti viloyat prokurori tashabbusi bilan qurib bitkazilgan bo‘lib, 150 o‘ringa mo‘ljallangan.

Bugungi tadbirda mahalliy hokimiyat vakillari, viloyat prokurori, mahalla faollari va ota-onalar ishtirok etdilar. 
Shuningdek, ushbu loyiha bolalarning har tomonlama intellektual, jismoniy va ma’naviy rivojlanishiga qaratilgani ta’kidlandi. 

Yangi muassasa nafaqat bolalar uchun, balki ularning ota-onalari uchun ham katta qulaylik yaratadi, chunki farzandlari tarbiyasida ilg‘or usullardan foydalaniladigan, xavfsiz va qulay muhitga ega bo‘lgan ta’lim muassasasiga ishonish imkoni paydo bo‘ldi.
——
ISHTIXON TUMANI HOKIMLIGI AXBOROT XIZMATI