Ishtixonlik Diyorbek Odilov xalqaro turnir g‘olibi bo‘ldi!

Ayni kunlarda Bishkek shahrida qirg‘izistonlik Olimpiya chempioni Qanibek Osmanaliyev sovrini uchun XXXVI xalqaro turnir bo‘lib o‘tmoqda.

Quvonarlisi, musobaqaning erkaklar o‘rtasida -61 kg vazn toifasida bahslarda qatnashgan hamyurtimiz Diyorbek Odilov oltin medalni qo‘lga kiritdi. Ishtixonlik sportchimiz dast ko‘tarishda 100 kg, siltab ko‘tarishda esa 130 kg natija qayd etdi. (https://t.me/uzbek_weightlifting/9641)

Ushbu vazn toifasida kumush va bronza medallar qozog‘istonlik va qirg‘izistonlik sportchilarga nasib etdi:

🥇Diyorbek Odilov (O‘zbekiston) – 100 (dast ko‘tarish), 130 (siltab ko‘tarish)
🥈Bekbol Sarpashev (Qozog‘iston) – 97 (dast ko‘tarish), 121 (siltab ko‘tarish)
🥉Ernis Baktibekov (Qirg‘iziston) – 95 (dast ko‘tarish), 120 (siltab ko‘tarish)

Ma’lumot uchun Diyorbek Odilov Ishtixon tuman “Yangirovot” mahallasi “Tegirmon” qishlog‘ida istiqomat qiladi.

Diyorbekga kelgusi musobaqalarda omadlar tilab qolamiz !!!

——
ISHTIXON TUMANI HOKIMLIGI AXBOROT XIZMATI