Иштихон туманига ҳам янги ҳоким тайинланди
Иштихон туманида ўтказилаётган халқ депутатлари Иштихон тумани Кенгашининг навбатдан ташқари сессиясида ташкилий масала кўрилди.
Иштихон тумани ҳокими вазифасида фаолият олиб борган Шухрат Негматов бошқа ишга ўтиши муносабати билан ўз аризасига асосан эгаллаб турган вазифасидан озод этилди.
Сессияда депутатлар томонидан Рузиев Фазлиддин Киранович номзоди Иштихон тумани ҳокими лавозимига тасдиқланди.
Мазкур тайинловга қадар Ф.Рузиев Ўзбекистон Республикаси Вазирлар Маҳкамасининг Маҳаллий саноатни ва кооперация алоқаларини ривожлантириш масалалари котибияти мудирининг ўринбосари лавозимида фаолият олиб борган.