Махсус имкониятлар
Марказий ўйингоҳ капитал таъмирланади
Туман марказида жойлашган Марказий ўйингоҳимиз 1979 йилда ҳашар йўли билан қурилган бўлиб, умумий майдони қарийб 3 гектарни ташкил қилади. Ушбу ўйингоҳнинг ҳам қурилганига 43 йил бўлиб, анчайин таъмирталаб ҳолатга келиб қолган эди.
Бугунги кунда ушбу ўйингоҳ капитал таъмирланадиган ҳамда кўркам қиёфага эга бўладиган бўлди.
Туман ҳокими Фазлиддин Рўзиев, вилоят Молия бошқармаси бошлиғи Ботир Мирзаев ҳамда масъуллар билан биргаликда ўйингоҳда қурилиш жараёнлари билан танишди ва масъулларга вазифаларни белгилаб берди.
Айтиб ўтиш лозимки, замонавий тусда қад ростлаётган ўйингоҳда минг кишилик ўриндиқлар, ювиниш, кийим алмаштириш, мураббийлар хоналари ҳамда енгил атлетиканинг барча турдаги спорт майдончалари барпо этилади.
