Ishtixon tumani IIB JXX Probatsiya hisobida turgan nazorat ostidagi shaxslar bilan sayohat uyushtirildi.
Ishtixon tumani IIB JXX Probatsiya hisobida turgan nazorat ostidagi shaxslar bilan “Tarixga bir nazar” shiori ostida tuman muzeyiga sayohat uyushtirildi. Sayohat davomida tuman muzeyining noyob eksponatlari, jumladan, Ishtixon tumanining tarixi va madaniyati bilan yaqindan tanishishdi. Tadbir davomida “Kitobsiz taraqqiyotga, yuksak maʼnaviyatga erishib boʻlmaydi” shiori ostida tumandagi Axborot kutubxona markaziga ham tashrif buyurildi. Markazining direktori tashrif buyurganlarga kutubxona haqida yaqindan maʼlumotlar berdi. Axborot-kutubxona markaziga tashrifdan soʻng tuman Kambagʻallikni qisqartirish va bandligini taʼminlash boʻlimi binosida “Ishga marhamat” tadbiri oʻtkazilib, ushbu tadbirda 3 nafar shaxslarning bandligi taʼminlandi.
___
ISHTIXON TUMANI HOKIMLIGI AXBOROT XIZMATI