“Намуна” намуна кўрсатди

Қалби саховатга тўла киши эл кўрсин деб яхшилик қилмайди. Бундай инсонларни қилган хайрли ишлари ва халқ ташаккури орқали таниймиз. Шундай инсонлардан бири – “Намуна” фуқаролар йиғини раиси Ахмад Нарзуллаев ташаббуси билан энг улуғ ва энг азиз байрам, Ватанимиз мустақиллигининг 28 йиллиги арафасида маҳалла ҳудудида жойлашган 19-умумтаълим мактабининг физика фани хонаси учун бир дона 32 хажмли “Артел” телевизори совға қилинди. Шунингдек, мактаб худудида экилган гулларни суғориш учун сув насоси ўрнатиб берилди. 

Келгусида мактаб ҳудудида ўқувчилар учун сунъий чим ётқизилган футбол майдони қуриш ниятида эканлигини айтиб, бу маҳалла фарзандларининг истеъдодини юзага чиқаришга хизмат қилишига умид билдирди.

Мактаб директори Жамшид Умиров мактаб ўқитувчи ва ўқувчилари, қолаверса ота-оналар номидан миннатдорчилик билдирди.

Олим Қўчқоров