Ўзбекистоннинг доимий аҳолиси сони 2020 йил 1 январь ҳолатига 33,9 миллион кишини ташкил этди. Аҳоли сони 2019 йил бошидан 650,3 минг кишига ёки 2,0 фоизга ўсди. Бундан Давлат статистика қўмитаси маълумотлари дарак бермоқда.

Келтирилган маълумотларга қараганда, 2020 йил 1 январь ҳолатига ҳудудларнинг республика жами аҳолиси сонидаги улуши бўйича энг кўп кўрсаткич Самарқанд вилоятида 11,4 фоизни ташкил этган.

2020 йил 22 январда Президентимиз томонидан «Ўзбекистон Республикасининг айрим қонун ҳужжатларига ўзгартиш ва қўшимчалар киритиш тўғрисида»ги Қонун имзоланди ва жорий йил 23 январдан кучга кирди. Унга кўра, Маъмурий жавобгарлик тўғрисидаги кодексда хусусий бандлик агентликлари тўғрисидаги қонун ҳужжатларини бузганлик учун жавобгарлик белгиланди.

Эндиликда мансабдор шахслар томонидан хусусий бандлик агентликлари тўғрисидаги қонун ҳужжатларини бузиш базавий ҳисоблаш миқдорининг 10-15 бараваригача миқдорда жарима солишга сабаб бўлади.

Бугун “Ҳоким ва ёшлар” учрашуви Чақар маҳалласида бўлиб ўтди. Туман ҳокими Шуҳрат Негматов спортсевар ёшларнинг муаммо ва таклифлари, мулоҳазалари тинглаш асносида тадбиркор ва мураббий Жаҳонгир Ёрқулов фаолияти билан ҳам танишди. Бу ерда спорт билан шуғулланаётган ёшлар билан суҳбатлашди.

Иштихон туманида 2020 йилнинг 1 январь ҳолатига давлат рўйхатидан ўтган корхона ва ташкилотларнинг умумий сони 4893 тани ташкил этиб, шундан фаолият кўрсатаётган корхона ва ташкилотлар сони 2809 тани ташкил этмоқда. 2019 йилнинг январь-декабрь ойларида 773 та корхона ва ташкилотлар ташкил этилди.