АВҒОН ЖАНГЧИЛАРИ УЧУН МОНУМЕНТ ҚУРИЛДИ
Афғон урушида ҳалок бўлган ўғлонларни ёдда сақлаш инсоний бурчимиздир. Гарчи қўшинлар олиб чиқилганига кўп йиллар бўлган бўлса-да, жигарбандидан айрилган оналарнинг кўз ёшлари қуриб битганича йўқ. Маълумотларга кўра, Афғон урушида 65 минг нафар ўзбек йигитлари қатнашиб, 1500 нафардан кўпроғи ҳалок бўлган. Уларнинг аксари 18-19 ёшли йигитлар… Афғон урушида қатнашиб, ҳалок бўлган. Бунда, туманимиздан 310 нафар йигитларимиз урушда қатнашган, шундан 7 нафари ҳалок бўлган. Ҳозирги кунда 264 нафар авғон урушида қатнашган жангчиларимиз туманимизнинг турли ҳудудларида ҳаёт кечирмоқда.
Ўғлонларимиз номлари абадийлаштириш мақсадида Иштихон туманидаги Митан шаҳарчаси марказида авғон урушида ҳалок бўлганлар хотирасига монумент қўрилди.
Бугун ушбу монументининг очилиш тадбири бўлиб ўтди. Тадбирда туман раҳбарлари билан биргаликда, Ўзбекистон Республикаси "Ветеран жангчи, фахрийлар ва ногиронлар" бирлашмаси раиси Мурадов Талъат Пардаевич, ушбу ташкилотнинг туман бўлинмаси раҳбари Жамол Ўсаров бошчилигида бир гуруҳ фахрий жангчилар, Россия Федерациясининг мамлакатимиздаги элчихона вакиллари иштирок этишди.