BEDIYEV Javlon Asamiddinovich-Tuman hokimining yoshlar siyosati, ijtimoiy rivojlantirish va ma’naviy-ma’rifiy ishlar bo‘yicha o‘rinbosari

Tug‘ilgan yili:  23.05.1989.y, Tug‘ilgan joyi: Samarqand viloyati, Ishtixon tumani

Millati: O‘zbek,  Ma’lumoti:  Oliy,  2011 y. O‘zbekiston davlat jahon tillari universiteti, Ma'lumoti bo‘yicha mutaxassisligi:  filologiya (nemis tili)

MEHNAT FAOLIYATI

2007-2011 yy. - O‘zbekiston davlat jahon tillari universiteti talabasi

2011-2019 yy. - Ishtixon tumani Xalq ta’limi bo‘limiga qarashli 51- umumiy o‘rta ta’lim maktabida nemis tili o‘qituvchisi

2019-2020 yy. - Ishtixon tumani xalq ta’limi bo‘limiga qarashli 51- umumiy o‘rta ta’lim maktabi ma’naviy - ma’rifiy ishlar bo‘yicha direktor o‘rinbosari

2019-2020 yy. - O‘zbekiston Respublikasi Yoshlar ishlari agentligi Ishtixon tuman bo‘limi rahbari

2020 y.  -  hv.  - Ishtixon tumani hokimining yoshlar siyosati, ijtimoiy rivojlantirish va ma’naviy-ma’rifiy ishlar bo‘yicha o‘rinbosari

Kompleksga umumiy rahbarlikni amalga oshiradi. Sohaga dahldor boʼlgan Oʼzbekiston Respublikasi qonunlari, Oʼzbekiston Respublikasi Prezidenti farmonlari, qarorlari va farmoyishlari, Oʼzbekiston Respublikasi Vazirlar Mahkamasi, viloyat hokimining qarorlari va farmoyishlari, xalq deputatlari shahar Kengashi va shahar hokimi qarorlari ijrosini tashkil etadi.

Yoshlar siyosati sohasida:

yoshlar, yaʼni oʼttiz yoshdan oshmagan shaxslar, xususan, taʼlim bilan qamrab olingan yoshlar, uyushmagan yoshlar, yosh mutaxassislar, tadbirkor yoshlar,  yosh oilalarni har tomonlama qoʼllab-quvvatlash yuzasidan
chora-tadbirlarni amalga oshirish;

umumtaʼlim maktablarining 11 sinflari bitiruvchilarini kasbga yoʼnaltirish va ularni keyinchalik ishga joylashtirish boʼyicha tizimli ishlarni tashkil etish;

taʼlim tizimining barcha bosqichlarida oʼquv jarayoni sifatini,
oʼquvchi-talabalarning davomatini taʼminlash yuzasidan aniq choralarni koʼrish va nazorat qilish, bu borada taʼlim muassasasi, mahalla, nodavlat va notijorat tashkilotlari, profilaktika inspektorlari va ota-onalarni oʼzaro hamkorlikdagi ishlarini muvofiqlashtirish;

aholi, yoshlarning kitobxonlik madaniyatini yuksaltirish, milliy adabiyotimiz va jahon adabiyotining eng yaxshi namunalarini keng targʼib qilish, “ommaviy madaniyat”ning koʼrinishlariga qarshi maʼnaviy profilaktika ishlariga rahbarlik qilish;

taʼlim tizimining barcha bosqichlarida chet tillariga, kompьyuter texnologiyalari va internet-resurslaridan foydalanishning ilgʼor koʼnikmalariga oʼrgatish boʼyicha kompleks chora-tadbirlar bajarilishini nazorat qilish;

yoshlarning boʼsh vaqtlarini mazmunli tashkil etish boʼyicha ularning mulohazalari va takliflarini inobatga olgan holda aniq va manzilli
chora-tadbirlar dasturlarini ishlab chiqish, turli toʼgaraklarga, shu jumladan, bolalar musiqa va sanʼat, bolalar va oʼsmirlar sport maktablariga qamrab olish ishlarini tizimli tashkil etish;

yoshlarni yuksak axloqiy tarbiyalash, ularni mafkuraviy tahdidlardan himoya qilish va jamiyatda yuksak maʼnaviyatni qaror toptirish borasidagi ishlarga rahbarlik qilish;

yoshlarni mustaqil hayotga tayyorlash, aholining ijtimoiy faolligini oshirish, yoshlar tarbiyasi masalasida jamoatchilik nazoratini tashkil etish, jamiyatda tinchlik va osoyishtalikni taʼminlash sohasidagi vazifalarni samarali bajarishga yoʼnaltirilgan chora-tadbirlarni amalga oshirish;

ota-onalarning pedagogik madaniyatini yuksaltirishga, barkamol avlod tarbiyasida “oila-mahalla-taʼlim muassasasi” hamkorlik kontseptsiyasini amalga oshirishga rahbarlik qilish;

uyushmagan yoshlarning manfaatlarini roʼyobga chiqarishda ishtirok etuvchi davlat organlari, muassasalar va nodavlat notijorat tashkilotlarining faoliyatini muvofiqlashtirish hamda yoshlarning ijtimoiy faolligini oshirishga qaratilgan ustuvor yoʼnalishlarni belgilash;

uyushmagan yoshlarning muammolarini aniqlash va hal qilish uchun ularning ehtiyojini aniqlash boʼyicha monitoring olib borish va baholash, kasbga oʼrgatish, ishga joylashtirish, jumladan, kichik va oʼrta biznes va oilaviy tadbirkorlikka keng jalb etish, huquqbuzarlik va jinoyatchilikni oldini olishga qaratilgan chora-tadbirlarni belgilash;

yosh mutaxassislarni ishga joylashtirishning tizimli monitoringini tashkil etish, mehnat bozorida ularning raqobatbardoshligini taʼminlashga qaratilgan maxsus dasturlarni ishlab chiqish va uni amaliyotga joriy etish, yosh kadrlarni tayyorlash, qayta tayyorlash va malakasini oshirish boʼyicha ishlarni amalga oshirish;

yoshlar tadbirkorligi faoliyatini rivojlantirish uchun qulay shart-sharoitlar yaratish, yoshlar tadbirkorligini tashkil etishga koʼmaklashish, imtiyozli kreditlar berish, joy ajratish, moddiy va texnik vositalar bilan taʼminlanishiga doir dasturlarni ishlab chiqish va roʼyobga chiqarish;

yosh oilalarni maʼnaviy va moddiy jihatdan qoʼllab-quvvatlash, ular uchun munosib uy-joy va ijtimoiy-maishiy sharoitlarni tashkil etish boʼyicha chora-tadbirlar tizimini amalga oshirish, kam taʼminlangan yosh oilalarga qonun hujjatlarida belgilangan tartibda moddiy yordam berish choralarini koʼrish;

Ijtimoiy rivojlantirish sohasida:

aholiga ijtimoiy xizmat koʼrsatish darajasi va sifatini oshirish, hayot va mehnat faoliyati, malakali tibbiy yordam olish, madaniy meroslardan bahramand boʼlish, jismoniy tarbiya va sport bilan shugʼullanish, dam olishini tashkil etish uchun qulay tashkiliy-huquqiy va ijtimoiy shart-sharoitlarni yaratish hamda sifat jihatdan yangi darajaga koʼtarish boʼyicha tizimli ishlarni amalga oshirish;

aholining ijtimoiy ehtiyoj va talablarini oʼrganish asosida hududlarda ijtimoiy rivojlantirish dasturlarini ishlab chiqish va ijrosini monitoring qilish;

sogʼliqni saqlash tizimini isloh qilish, aholiga yuqori malakali tibbiy yordamni koʼrsatish, sogʼliqni saqlash muassasalarining moddiy-texnika bazasini mustahkamlash, ularni zamonaviy tibbiy asbob-uskunalar bilan jihozlash va kadrlar salohiyatini oshirish borasida tizimli ishlarni amalga oshirish;

oilaviy poliklinikalarning ish samaradorligini oshirish, har bir inson va butun oila darajasida eng koʼp uchraydigan kasalliklar profilaktikasi va davolash jarayonini tashkil etish, oilalarni patronaj tizimi bilan toʼliq qamrab olish, aholining tibbiy madaniyatini oshirish, sogʼlom turmush tarzini, shu jumladan sogʼlom ovqatlanishni targʼib qilish chora-tadbirlarini amalga oshirish;

aholining reproduktiv salomatligini mustahkamlash, onalar, bolalar va oʼsmirlar sogʼligʼini muhofaza qilish, tugʼma va irsiy kasalliklarni oldini olish, rivojlanish nuqsoni boʼlgan bolalarni tibbiy-ijtimoiy reabilitatsiya qilish sifatini oshirish, ularning jamiyat hayotida toʼlaqonli qatnashishlari uchun zarur shart-sharoitlar yaratish;

tibbiy xizmat koʼrsatish darajasini oshirish, onalar va bolalar sogʼligʼi muhofazasini taʼminlash, diagnostika, perinatal va skrining-markazlari tashkil etish va moddiy-texnika bazasini rivojlantirish va mustahkamlash;

aholiga tashxis qoʼyishning zamonaviy usullarini joriy etish va yuqori malakali ixtisoslashtirilgan tibbiy yordam koʼlamini yanada kengaytirish. Jahon standartlari darajasidagi eng samarali, murakkab va yuqori texnologiyali usullarga boʼlgan aholi ehtiyojini qondirishga yoʼnaltirilgan tadbirlar ijrosini taʼminlash;

sport sohasida olib borilayotgan ishlar koʼlamini yanada kengaytirish, sportni ommaviyligini oshirish, qizlar oʼrtasida sportni rivojlantirish, barcha hududlarda xalqaro talablarga javob beradigan moddiy-texnik bazaga ega sport inshootlarini barpo etish;

aholining turmush madaniyatini, hayot sifatini oshirishga qaratilgan taʼlim, dam olish va hordiq chiqarish, bandlik, maishiy xizmatlar koʼrsatish, madaniyat, sanʼat va sport sohalari muassasalaridan foydalanish koʼlamini kengaytirishga qaratilgan kompleks chora-tadbirlarni amalga oshirish;

mahalla fuqarolar yigʼinlari, xotin-qizlar, nuroniylar, yoshlar tashkilotlari, fuqarolik jamiyatlari institutlari, ommaviy axborot vositalarining tinch-osoyishta hayotimizni asrash va mustahkamlashga qaratilgan vazifalar ijrosini muvofiqlashtirish;

Maʼnaviy-maʼrifiy ishlar sohasida:

aholi oʼrtasida mamlakatimizda amalga oshirilayotgan davlat siyosatining ustuvor yoʼnalishlari, keng koʼlamli islohotlarning mohiyati, qabul qilingan qonun hujjatlari va davlat dasturlari ahamiyatining targʼibot va tashviqotini tashkil qilish;

aholining maʼnaviy muammo va ehtiyojlarini oʼrganib borish asosida hududda maʼnaviy muhit sogʼlomligini taʼminlash, tashkiliy-huquqiy shaklidan qatʼiy nazar barcha tashkilotlarning maʼnaviy-maʼrifiy faoliyatini muvofiqlashtirish va rahbarlik qilish;

aholining maʼnaviy-axloqiy, diniy-maʼrifiy, madaniy saviyasini oshirish va uning doimiy ravishda oʼsib borayotgan intellektual, estetik va madaniy ehtiyojlarini taʼminlash, maʼnaviy-maʼrifiy merosni, urf-odat va qadriyatlarni saqlash, targʼib qilish ishlariga rahbarlik qilish;

hududda sogʼlom turmush tarzi, millatlararo totuvlik, oʼzaro mehr-oqibat muhitini mustahkamlashga qaratilgan ommaviy tadbirlarni tayyorlash va tashkil etish masalalarini muvofiqlashtirish, tadbirlarning maqsadli, rejali, tartibli tashkil etish va tarbiyaviy samaradorligini taʼminlash chora-tadbirlarini koʼrish;

hududda jinoyatchilik va huquqbuzarlikning oldini olish, odamlarni xushyorlik va ogohlikka daʼvat etish, yoshlarda yot gʼoyalarga qarshi mafkuraviy immunitetni mustahkamlash, huquqiy madaniyatni yuksaltirish, fuqarolarda qonunga hurmat, huquqbuzarlik holatlariga murosasizlik hissini kuchaytirishga qaratilgan samarali targʼibot tizimini yoʼlga qoʼyish;

aholi orasida diniy ekstremizm, terrorizm, giyohvandlik, odam savdosi, noqonuniy migratsiya, “ommaviy madaniyat” tahdidlaridan ogoh qilishga qaratilgan profilaktik maʼrifiy, tarbiyaviy chora-tadbirlarga rahbarlik qilish;

aholi orasida mehr-oqibat, mehr-shavqat, muruvvat va himmat, insofu diyonat, vijdoniylik, ahillik va totuvlik, fidoyilik, vatanparvarlik, olijanoblik va boshqa fazilatlarni targʼib qilish hamda maʼnaviy-maʼrifiy ishlarni rivojlantirishda mahalla institutining oʼrni va rolini oshirish borasidagi ishlarga rahbarlik qilish;

mamlakatda olib borilayotgan maʼnaviy-maʼrifiy ishlar boʼyicha siyosatning maqsad va vazifalaridan kelib chiqib, hududda tashkil etiladigan chora-tadbirlar mazmuni, samaradorligini tahlil qilish, sohalarning tizimli faoliyatini tashkil qilish;

ommaviy tadbirlarni tayyorlash va tashkil etish masalalarini muvofiqlashtirish, ommaviy tadbirlarni oʼtkazishning belgilangan tartibiga rioya etish yuzasidan nazoratni taʼminlash;

jamoat va diniy tashkilotlar bilan aloqalar sohasida:

davlat organlarining jamoat va diniy tashkilotlar bilan oʼzaro aloqasi va hamkorligini taʼminlash;

qonun hujjatlarida belgilangan tartibda roʼyxatdan oʼtgan diniy tashkilotlarning manfaatlarini hisobga olish boʼyicha davlat siyosatini amalga oshirish;

davlat organlarining jamoat va diniy tashkilotlar bilan oʼzaro harakatlarini muvofiqlashtirish hamda vijdon erkinligi va diniy tashkilotlar toʼgʼrisidagi qonun hujjatlari ijrosini nazorat qilish;

"Haj" va "Umra" tadbirlarini oʼtkazishda mahalliy davlat, jamoatchilik va diniy tashkilotlarning faoliyatini muvofiqlashtirish;

maʼnaviy va milliy qadriyatlarga, xalqimizning diniy eʼtiqodlari va urf-odatlariga qarshi yoʼnaltirilgan mafkuraviy tahdidlarga qarshi samarali kurashish, yot gʼoyalarni tarqatishga qarshi kurash olib borish tadbirlari amalga oshirilishini taʼminlash;

millatlararo totuvlikni va diniy bagʼri kenglikni taʼminlashda davlat organlarining jamoat tashkilotlari va diniy tashkilotlar bilan hamkorligini muvofiqlashtirish;

millatlararo doʼstlik printsiplarini qaror toptirishga, millatlararo munosabatlar madaniyatini rivojlantirishga yoʼnaltirilgan jamoatchilik tashabbuslarini ragʼbatlantirish, muvofiqlashtirish va taqdirlash chora-tadbirlarini koʼrish;

Oʼzbekiston faxriylarini ijtimoiy qoʼllab-quvvatlash "Nuroniy" jamgʼarmasining va boshqa nodavlat notijorat tashkilotlarining mintaqaviy tuzilmalari faoliyatiga koʼmaklashish.

Hokim oʼrinbosari:

shaharda din bilan bogʼliq, millatlararo munosabatlar va ijtimoiy-siyosiy jarayonlarni muntazam oʼrganadi, ularni yanada sogʼlomlashtirish boʼyicha amaliy chora-tadbirlar ishlab chiqadi;

Oʼzbekiston Musulmonlari idorasi va boshqa diniy tashkilotlar, “Nuroniy”, siyosiy partiyalar, kasaba uyushma tashkilotlari shahar vakillari hududiy tuzilmalari tomonidan ustavida belgilangan vazifalarning samarali bajarilishiga koʼmaklashadi va muvofiqlashtiradi, ularning faoliyatini yanada takomillashtirishga doir takliflar kiritadi.

shahar hokimining ijtimoiy-siyosiy barqarorlik, millatlararo va dinlararo doʼstlik-totuvlikni taʼminlashga qaratilgan qarorlari hamda farmoyishlari loyihalarini tayyorlaydi;

muvofiqlashtiriladigan tashkilotlarning ustav faoliyatini samarali amalga oshirishga toʼsqinlik qiladigan muammolarni aniqlash va bartaraf etish boʼyicha aniq chora-tadbirlarni ishlab chiqishda hamda amalga oshirish, shuningdek, kadrlarni tanlash, joy-joyiga qoʼyish, tayinlash va vazifasidan ozod etish boʼyicha kompleks chora-tadbirlarni bajarishda viloyat hamda markaziy tuzilmalar rahbariyati bilan hamkorlik qiladi;

aqidaparastlik va missionerlikka qarshi kurash, konfessiyalar va millatlararo hamkorlik va bagʼrikenglikni taʼminlash borasidagi ishlarning saviyasi va taʼsirchanligini oshirish boʼyicha qabul qilinadigan hukumat dasturining toʼliq amalga oshirilishini taʼminlaydi;

diniy ekstremizm va missionerlik faoliyati gʼoyalarining tarqalishiga qarshi tushuntirish hamda profilaktika ishlarini tashkil etishni muvofiqlashtiradi;

diniy vaziyatning oʼzgaruvchanligi qayd etilgan hududlarda ekstremizm, terrorizm va aqidaparastlikning zararli oqibatlari toʼgʼrisida tushuntirish va profilaktika ishlarini tashkil etish;

jazoni ijro etish muassasalarida diniy ekstremistik oqimlar aʼzolari boʼlgan mahbuslar bilan profilaktik va tushuntirish ishlarini tashkil qiladi;

davlat va jamoat tashkilotlari, mahalla yigʼinlarida, aholining alohida ijtimoiy qatlamlari jumladan, xususiy tadbirkorlar, vaqtincha ishsizlar va uyushmagan yoshlar oʼrtasida ekstremistik oqim, missionerlik bilan bogʼliq tahdidlarning oldini olishga qaratilgan targʼibot tadbirlarini tashkil etish;

diniy ekstremizm va terrorizmga qarshi targʼibot tadbirlarining taʼsiri va samaradorligini oshirish, targʼibotchilarning nutq madaniyati va auditoriya bilan ishlash malakasini oʼstirishga bagʼishlangan oʼquvlar tashkil etish;

diniy maʼrifat va maʼnaviy axloqiy tarbiya masalalari boʼyicha maslahatchilar, mahalla posbonlari, uchastka nozirlari bilan diniy ekstremizm va terrorizmga qarshi kurashish boʼyicha amalga oshirayotgan ishlarini muvofiqlashtirib boradi;

imom-xatiblarning dunyoda sodir boʼlayotgan voqea hodisalar, ularning mazmun-mohiyati haqida bilim va tasavvurini yanada kengaytirish, ularning kasbiy mahoratini oshirish maqsadida oʼquvlar tashkil etish;

nosogʼlom “tariqat” gʼoyalarini tarqatayotgan yetakchilar va ularning joylardagi vakillari bilan profilaktik suhbatlar oʼtkazish;

maktabning yuqori sinf oʼquvchilari hamda kollej va litsey oʼquvchilari hamda oliy taʼlim muassasalari talabalari bilan “Maʼrifiy islom aqidaparastlikni qoralaydi”, “Diniy ekstremizm va terrorizm – yoshlar kelajagiga tahdid” mavzularida targʼibot tadbirlarini oʼtkazish;

xorijga ishga ketayotgan fuqarolarning diniy ekstremistik oqimlar taʼsiriga tushib qolishini oldini olishga qaratilgan tushuntirish hamda uzoq muddat xorijiy safarda boʼlib qaytgan mehnat migrantlari bilan profilaktik ishlarni amalga oshirish;

xotin-qizlar oʼrtasida diniy ahvolni monitoring qiladi, vaqtincha ishsiz ayollar, uy bekalari bilan diniy ekstremistik oqim aʼzolari va missionerlar faoliyati taʼsiriga tushib qolishini oldini olishga qaratilgan tushuntirish va profilaktik ishlarini kuchaytirish.;

 shahar markazlarida ixtisoslashgan mazmundagi mahsulotlarning savdo doʼkonlari faoliyatini tartibga solish va uni takomillashtirish;

diniy mazmundagi mahsulotlarni noqonuniy tarzda ishlab chiqarish, tarqatish va respublikaga olib kirish holatlarini oldini olishga qaratilgan manzilli chora-tadbirlarni kuchaytirish;

oʼquv markazlari, nodavlat notijorat tashkilotlar, internet kafelarning faoliyatida missionerlik holati mavjudligi boʼyicha oʼrganish;

rasmiy roʼyxatdan oʼtgan noislomiy diniy tashkilotlarning nizomi asosida faoliyat yuritishini nazorat qilish;

faol missionerlik holatlari kuzatilgan hududlarda profilaktik tushuntirish ishlarini olib borish, maktabning yuqori sinf oʼquvchilari hamda kollej va litsey oʼquvchilari bilan missionerlik va prozelitizm bilan bogʼliq salbiy holatlarini oldini olishga qaratilgan targʼibot tadbirlarini oʼtkazish ishlarini tashkil etish;

OАVlarda xalqimiz bagʼrikengligini va davlatimiz tomonidan barcha millatlar uchun yaratilgan sharoitlar, turli elatlarning hamjihat hayotini targʼib etish, shaharda yashovchi millat va elatlar hayoti haqida hikoya qiluvchi maqolalar, koʼrsatuvlar, axborotlar, videoroliklar tayyorlash va ommaviy axborot vositalarida namoyish etishni tashkil etish;

NNTlarning demokratik islohotlarni chuqurlashtirish va fuqarolik jamiyatini shakllantirishdagi roli va ahamiyatini kuchaytirish boʼyicha tizimli ishlarni tashkil etish;

yuridik va jismoniy shaxslarning millatlararo va dinlararo munosabatlar, diniy huquq va erkinliklarni taʼminlashga taalluqli shikoyat hamda arizalarini oʼrganadi, tegishli tashkilotlar rahbarlariga aniqlangan huquqbuzarlik va kamchiliklarni bartaraf etish uchun oʼtkazilgan oʼrganish hamda tekshiruvlar natijalari boʼyicha materiallarni yuboradi;

“Haj” va “Umra” tadbirlarini tashkil etish boʼyicha hududiy komissiya faoliyatiga shaxsan rahbarlik qiladi, ziyoratchilar roʼyxatini tuzishda ijtimoiy odillikni taʼminlaydi;

jamiyat manfaati yoʼlida jamiyatda rahimdillik va insonparvarlik gʼoyalarini joriy etishga koʼmaklashadigan ijtimoiy munosabatlarni barqarorlashtirish hamda mustahkamlashga qaratilgan amaliy tashabbuslarni amalga oshirishda nodavlat notijorat tashkilotlarga yordam berish ishlarini tashkil etadi;

xalq deputatlari shahar Kengashining va hokimlikning faoliyatini yanada toʼliq va xolisona yoritish maqsadida milliy va xorijiy ommaviy axborot vositalari hamda jurnalistlar bilan oʼzaro hamkorlik qiladi;

matbuot konferentsiyalari, brifinglar oʼtkazish, intervьyular olishni va hokimlikning rahbariyati va xodimlari bilan ommaviy axborot vositalari vakillarining boshqa uchrashuvlarini tashkil qiladi;

xalq deputatlari shahar Kengashining va hokimlikning faoliyati masalalari yuzasidan jamoatchilik fikrini xamda milliy va xorijiy ommaviy axborot vositalari nuqtai nazarini oʼrganish boʼyicha tahliliy ishlarni amalga oshiradi, hokimlik raxbariyatiga axborot berish uchun matbuotda eʼlon qilingan dolzarb materiallar sharxlarini tayyorlaydi;

Xuquqbuzarlikni oldini olish sohasida:

huquqbuzarliklar va jinoyatlar sodir etgan shaxslar bilan ishlash masalalarida huquqni muhofaza qilish va boshqa davlat va nodavlat tashkilotlar bilan hamkorlik qilishni taʼminlaydi;

huquqbuzarliklarning oldini olish boʼyicha dasturlar ishlab chiqilishi, tasdiqlanishi va amalga oshirilishini taʼminlaydi;

huquqbuzarliklar va jinoyatchilikning holatini tahlil qilish, jinoyatchilikka qarshi kurashish va jinoyatchilikni qisqartirish shakllari va usullarini, shuningdek chora-tadbirlarini ishlab chiqish ishlarini tashkil etadi;

jinoyatchilik, terrorizm va diniy ekstremizmga qarshi kurashishga jamoatchilikni keng jalb etish ishlarini tashkil qilish yoʼli bilan qonun ustuvorligini taʼminlash chora-tadbirlarini amalga oshiradi;

Oʼzbekiston Respublikasi Konstitutsiyasi, “Mahalliy davlat hokimiyati toʼgʼrisida”gi Oʼzbekiston Respublikasi Qonuni va boshqa qonunlari, Oʼzbekiston Respublikasi Oliy Majlisi palatalarining qarorlari, Oʼzbekiston Respublikasi Prezidentining hujjatlari va topshiriqlari, Oʼzbekiston Respublikasi Vazirlar Mahkamasining qarorlari va topshiriqlari bilan hokimlikka yuklangan vazifalarni bajarish yuzasidan aniq chora-tadbirlarni ishlab chiqish va amalga oshirish;

tasarrufidagi tegishli tashkilot hamda muassasalarda Oʼzbekiston Respublikasi Vazirlar Mahkamasining 1999 yil 12 yanvardagi
12-sonli “Ijro intizomini mustahkamlash chora-tadbirlari toʼgʼrisida”gi hamda 1999 yil 29 martdagi 140-sonli “Oʼzbekiston Respublikasi hokimiyat va boshqaruv organlarida ish yuritish va nazoratni tashkil etish boʼyicha meʼyoriy xujjatlarni tasdiqlash toʼgʼrisida”gi qarorlarining talablari asosida ish tashkil etilishi va ijro intizomini mustahkamlash;

jismoniy va yuridik shaxslarning murojaatlarini “Jismoniy va yuridik shaxslarning murojaatlari toʼgʼrisida”gi Oʼzbekiston Respublikasi Qonuniga muvofiq koʼrib chiqish;

qonun hujjatlariga muvofiq boshqa vazifalarni ham bajaradi.

Quyidagi komissiya va Kengashlarishiga rahbarlik qiladi:

Sogʼliqni saqlash tizimini isloh qilish davlat dasturini amalga oshirishni tashkil etish va nazorat qilish shahar komissiyasi;

muborak “Haj” va “Umra” ziyoratiga borish masalalarini muvofiqlashtiruvchi komissiyasi;

qonun hujjatlariga muvofiq tashkil etiladigan boshqa hududiy komissiyalar va kengashlar.

Quyidagi komissiya va Kengashlar ish faoliyatini tashkil etadi:

Yoshlar masalalari boʼyicha shahar idoralararo Kengashi;

shahar Maʼnaviyat va maʼrifat Kengashi;

Geografik obʼektlarni nomlash va qayta nomlash masalalari boʼyicha shahar komissiyasi;

shahar hokimligi huzuridagi Narkotik moddalarni nazorat qilish mintaqaviy komissiyasi;

shaharda epidemiyaga qarshi kurash favqulodda komissiyasi;

shaharda bolalarni yozgi sogʼlomlashtirish va dam oldirish komissiyasi;

Dori vositalari va tibbiy buyumlarni chakana realizatsiya qilish uchun litsenziya berish boʼyicha shahar komissiyasi;

Tanosil kasalliklariga qarshi kurashish shahar idoralararo komissiyasi;

Maktabgacha taʼlim tizimini tanqidiy oʼrganish va yanada takomillashtirish yuzasidan takliflar ishlab chiqish boʼyicha komissiya;

OIV infektsiyasi tarqalishiga qarshi kurashishga doir tadbirlarni muvofiqlashtirish boʼyicha shahar komissiyasi;

2020 yilda Tokio (Yaponiya) shahrida boʼlib oʼtadigan XXXII yozgi Olimpiya va XVI Paralimpiya oʼyinlariga shahar sportchilarini sifatli tayyorlashni tashkil etish boʼyicha shahar komissiyasi;

Fuqarolarning oʼzini oʼzi boshqarish organlari faoliyatini muvofiqlashtiruvchi shahar Kengashi.

Jinoyatchilikka va huquqbuzarlikka qarshi kurashish boʼyicha hududiy komissiya;

Quyidagi tashkilot, muassasa va korxonalarning shahar hokimligi bilan oʼzaro faoliyatini muvofiqlashtirib boradi:

Oʼzbekiston Yoshlar ittifoqi shahar Kengashi;

shahar xalq taʼlimi boʼlimi;

shahar Maktabgacha taʼlim boʼlimi;

shahardagi oʼrta maxsus kasb-hunar kollejlari av akademik litsey;

shahar tibbiyot birlashmasi;

shahar Davlat sanitariya-epidemiologiya nazorati markazi;

shahar madaniyat boʼlimi;

shahar jismoniy tarbiya va sport boʼlimi;

Respublika Maʼnaviyat va maʼrifat markazi shahar boʼlimi;

shahar Mahallalar Kengashi;

ommaviy axborot vositalari (gazeta, radio, televidenie);

 “Oʼzbekkontsert” birlashmasi shahar boʼlimi;

Yozuvchilar uyushmasi shahar boʼlimi;

“Tasviriy oyna” ijodiy uyushmasi shahar boʼlimi;

shahar Аxborot-kutubxona markazi;

Oʼzbekiston faxriylarini ijtimoiy qoʼllab-quvvatlash “Nuroniy” jamgʼarmasi shahar boʼlimi;

Oʼzbekiston Respublikasidagi siyosiy partiyalarning shahar boʼlimlari;

“Oʼzbekiston avgʼon jangchilar uyushmasi” shahar boʼlimi;

Kasaba uyushmalari tashkilotlari shahar Kengashi;

Imom xatiblar;

noislomiy diniy tashkilotlar;

boshqa jamoat tashkilotlari.