Nuriddinov Kosim Paxriddinovich-Ishtixon tumani hokimining moliya-iqtisodiyot va kambag‘allikni qisqartirish  masalalari bo‘yicha birinchi o‘rinbosari - tuman iqtisodiy taraqqiyot va kambag‘allikni qisqartirish bo‘limi boshlig‘i

Tug‘ilgan yili 18.01.1989, tug‘ilgan joyi Samarqand viloyati, Ishtixon tumani, Millati: o‘zbek, Ma’lumoti:  oliy                                            Tamomlagan:  2011 yil, Samarqand iqtisodiyot va servis instituti (kunduzgi), Ma’lumoti bo‘yicha mutaxassisligi:               servis (sifat ekspertizasi, xizmat ko‘rsatish va ishlar sertifikatsiyasi)      

MEHNAT FAOLIYATI

2007-2011 yy. - Samarqand iqtisodiyot va servis instituti talabasi

2011-2013 yy. - Qo‘shrabot tumani "Zarmitan" oltin koni nasos qurilmasi mashinisti

2013-2014 yy. - Samarqand viloyati Iqtisodiyot Bosh boshqarmasi viloyatni kompleks rivojlantirish prognozlari va monitoringi yig‘ma bo‘limi yetakchi mutaxassisi

2014-2015 yy. - Samarqand viloyati Iqtisodiyot Bosh boshqarmasi Agrosanoat kompleksini rivojlantirish bo‘limi yetakchi mutaxassisi

2015-2016 yy. - Samarqand viloyat Iqtisodiyot Bosh boshqarmasi Viloyatni kompleks rivojlantirish prognozlari va monitoringi yig‘ma bo‘limi bosh mutaxassisi

2016-2017 yy. - Samarqand viloyat hokimligi hududlarni kompleks rivojlantirish Yig‘ma boshqarmasi yig‘ma bo‘limining iqtisodiy ko‘rsatkichlarni prognozlashtirish masalalari bo‘yicha yetakchi mutaxassisi

2017-2017 yy. - Ishtixon tumani iqtisodiyot va hududlarni kompleks rivojlantirish bo‘limi boshlig‘i

2017-2018 yy. - Samarqand viloyati hokimligi Axborot-tahlil guruhi bosh mutaxassisi

2018-2019 yy. - Ishtixon tumani Investisiyalar  va tashqi savdo bo‘limi boshlig‘i 

2019-2022 yy. - Ishtixon tumanidani O‘zbekiston Respublikasi Bosh vazirining tadbirkorlar murojaatlarini ko‘rib chiqish qabulxonasi mudiri

2022-2022 yy. - Ishtixon tumani Mahallabay ishlash va Tadbirkorlikni rivojlantirish markazi direktori

2022 y. -  h.v.  - Ishtixon tumani hokimining moliya-iqtisodiyot va kambag‘allikni qisqartirish  masalalari bo‘yicha birinchi o‘rinbosari - tuman iqtisodiy taraqqiyot va kambag‘allikni qisqartirish bo‘limi boshlig‘i

Tuman hokimligi apparatiga hamda tumanda iqtisodiyot va tadbirkorlik kompleksiga rahbarlik qiladi. Sohaga daxldor bo‘lgan O‘zbekiston Respublikasi qonunlari, O‘zbekiston Respublikasi Prezidenti farmon, qaror va farmoyishlari, Vazirlar Mahkamasi qaror va farmoyishlari, xalq deputatlari tuman Kengashi va tuman hokimi qarorlari ijrosini tashkil etadi.

Kompleksga umumiy rahbarlikni amalga oshiradi. Sohaga daxldor bo‘lgan O‘zbekiston Respublikasi qonunlari, O‘zbekiston Respublikasi Prezidenti farmon, qaror va farmoyishlari, O‘zbekiston Respublikasi Vazirlar Mahkamasi qaror va farmoyishlari, xalq deputatlari tuman Kengashi va tuman hokimi qarorlari ijrosini tashkil etadi;

O‘zbekiston Respublikasi qonunlarida hamda O‘zbekiston Respublikasi Prezidenti va Vazirlar Mahkamasi tomonidan qabul qilingan hujjatlarda belgilanadigan iqtisodiyot va tadbirkorlik sohasining eng muhim ustuvor vazifalariga muvofiq hududni kompleks rivojlantirish bo‘yicha takliflar ishlab chiqishni tashkillashtiradi. Respublika miqyosida ishlab chiqilgan va tasdiqlangan maqsadli dasturlar ijrosini ta’minlaydi;

tumanning makroiqtisodiy ko‘rsatkichlarini, shu jumladan, yalpi hududiy mahsulot, sanoat, xizmat ko‘rsatish, chakana savdo aylanmasi, eksport, inflyasiya, bandlik, mahalliy byudjetning har yilgi prognoz parametrlarini asoslangan holda ishlab chiqish va uni samarali ijrosini tashkil qilish, debitor-kreditor qarzdorliklarni yuzaga kelishini oldini olish yuzasidan tizimli ishlarni amalga oshirish va qarzdorlikni bartaraf qilishning samarali usullarini joriy etadi;

iqtisodiyot masalalari bo‘yicha tegishli vazirlik, idoralar, qo‘mitalar, tijorat banklarining hududiy tuzilmalari ish faoliyatini muvofiqlashtirish, aholini tadbirkor qilish maqsadida ular bilan tijorat banklari o‘rtasida muloqot o‘rnatish uchun har bir xonadonga kompleks bank va moliyaviy xizmatlarni taklif qilish orqali imtiyozli kreditlash dasturlarini ishlab chiqadi va so‘zsiz amalga oshiradi;

hududiy boshqaruv organlari uzviy hamkorligini yo‘lga qo‘yish, iqtisodiyotning barcha tarmoqlarini, shu jumladan, bazaviy tarmoqlarini uzviy rivojlanishi, bunda tuman, tuman kesimida ishlab chiqarish va mehnat resurslarini oqilona joylashtirish chora-tadbirlarini ishlab chiqish, raqobatbardosh mahsulotlar ishlab chiqarish uchun ishlab chiqarishni modernizatsiyalash, tarkibiy o‘zgartirish va diversifikatsiyalashni amalga oshirish, investisiyalarni, shu jumladan to‘g‘ridan-to‘g‘ri xorijiy investisiyalarni moliyaviy mablag‘ hamda zamonaviy texnologiyalar shaklida jalb qiladi;

iqtisodiy islohotlarni chuqurlashtirish, hudud iqtisodiyoti va ijtimoiy sohasini kompleks rivojlantirishning asosiy dasturlarini, shu jumladan, sanoat, mahalliylashtirish, qishloq xo‘jaligini barcha sohasini, ayniqsa paxta tolasini va mevasabzavotni qayta ishlash, xizmatlar sohasini rivojlantirish kabi maqsadli dasturlarni kafolatlangan moliyaviy manbaalarini aniqlagan holda tumanning mahalliy byudjeti parametrlari bilan uzviy tarzda ishlab chiqish va so‘zsiz amalga oshirishni ta’minlaydi;

kichik biznes va xususiy tadbirkorlikni rivojlantirishni qo‘llab-quvvatlash, ularning huquqlarini himoya qilish va erkinliklarining kafolatlarini ta’minlash, qulay ishbilarmonlik muhitini shakllantirish, yangi korxonalar, shu jumladan, kichik biznes va xususiy tadbirkorlik sohasida korxonalarni tashkil etish dasturlarini ishlab chiqish va amalga oshirish, yangi ish o‘rinlarini yaratish va aholining turli qatlamlari bandligi masalalarini hal etish orqali mahalliy byudjetning daromad bazasini kengaytirish, respublika va mahalliy byudjetga tushumlar hajmini oshirish hisobiga mahalliy byudjet subvensiyasi hajmini bosqichma-bosqich qisqartirish va bartaraf etadi;

qishloq xo‘jaligi sohasidagi islohotlarni yanada chuqurlashtirish, ko‘p tarmoqli fermer xo‘jaliklarini moliyaviy qo‘llab-quvvatlash, bu sohani industriyalashgan tarmoqqa aylantirish maqsadida qishloq xo‘jaligining barcha turdagi mahsulotlarini qayta ishlash va eksport qilishni keskin kengaytirish uchun maxsus dasturlarini ishlab chiqadi va amalga oshiradi;

ishlab chiqarilgan mahsulotlarni, hududiy sanoat mahsulotlarini eksport qilish dasturlarini ishlab chiqish, dunyodagi narx kon’yukturasini o‘rganib tahlil qilib borish va yangi turdagi mahsulotlarni o‘zlashtirish hamda ularni yangi bozorlarda eksport qilishini ta’minlash bo‘yicha kompleks chora-tadbirlar ishlab chiqish va amalga oshiradi;

inson manfaatlarini ta’minlash, ayniqsa aholining qishloq joylarda hayot darajasini va sifatini oshirish, yanada farovon hayot kechirishi uchun pensiya va nafaqalar, real daromadlarini barqaror oshirish manbaalarini yaratish, zamonaviy bank va moliya infratuzilmasini yaratish hisobiga nakd pul to‘lovlarini o‘z vaqtida amalga oshirishni yangi mexanizmi va tizimini joriy qiladi.

chakana va ulgurji savdoni, xizmatlar ko‘rsatish sohasini tashkil etish tizimini takomillashtirish, savdoni tashkil etish va xizmatlar ko‘rsatishning yangi shakllari va usullarini keng joriy etish, aholini iste’mol tovarlari va xizmatlar bilan ta’minlash bo‘yicha marketing tadqiqotlari yuzasidan bozorlar, yarmarka va ko‘rgazmalar faoliyatini muvofiqlashtirish;

“yagona darcha” tamoyili bo‘yicha tadbirkorlik sub’yektlariga davlat xizmatlari ko‘rsatuvchi yagona markazlarning va davlat xizmatlari ko‘rsatuvchi boshqa vakolatli organlarning faoliyatini, shuningdek davlat organlari bilan tadbirkorlik sub’yektlari o‘rtasidagi o‘zaro munosabatlarning bevosita aloqasiz shakllarini joriy etishning holatini tahlil qilish;

ishbilarmonlik muhiti indikatorlarini baholash va tadbirkorlik sub’yektlari o‘rtasida o‘tkazilgan so‘rovlar natijalari asosida tadbirkorlik va ishbilarmonlik muhitini rivojlantirish yuzasidan ko‘rilayotgan chora-tadbirlarning natijadorligi to‘g‘risidagi tahliliy materiallarni tayyorlash va keyinchalik ularni O‘zbekiston Respublikasi Iqtisodiyot vazirligiga kiritish;

hududda ishbilarmonlik muhitini yanada yaxshilashga, shuningdek tadbirkorlik sub’yektlarining huquqiy kafolatlarini mustahkamlashga hamda kichik va xususiy tadbirkorlikni yanada rivojlantirishni rag‘batlantirishga yo‘naltirilgan normativ-huquqiy hujjatlarni takomillashtirishga doir takliflarni ishlab chiqish;

tadbirkorlikni rivojlantirishdagi eng muhim muammolar bo‘yicha seminarlar va davra suhbatlarini muntazam o‘tkazish, shuningdek tadbirkorlikni qo‘llab-quvvatlash yuzasidan ko‘rilayotgan chora-tadbirlarning samaradorligi to‘g‘risidagi materiallarni ommaviy axborot vositalarida e’lon qilish yo‘li bilan tadbirkorlik sub’yektlari orasida axborot va tushuntirish ishlarini tashkil etish;

hududiy boshqaruv organlarida, iqtisodiyot tarmoqlari va sohalarida axborot-kommunikatsiya texnologiyalarini rivojlantirish hamda axborot xavfsizligini ta’minlash, shuningdek pochta va telekommunikatsiyalarni rivojlantirish, axborot faoliyati, arxiv ishi, intellektual mulk ob’yektlariga huquqlarni huquqiy muhofaza va himoya qilish samaradorligini oshirish;

Pochta va telekommunikatsiyalar faoliyati, arxiv ishi va intellektual mulk ob’yektlariga bo‘lgan huquqlarni himoya qilish masalalari bo‘yicha O‘zbekiston Respublikasi qonunlari, O‘zbekiston Respublikasi Prezidenti farmon, qaror va farmoyishlari, Vazirlar Mahkamasi va tuman hokimi qarorlari bajarilishini tashkil etish;

O‘zbekiston Respublikasi Prezidenti Devoniga, O‘zbekiston Respublikasi Oliy Majlisi palatalariga va O‘zbekiston Respublikasi Vazirlar Mahkamasiga ko‘rib chiqish uchun kiritiladigan, shuningdek xalq deputatlari tuman Kengashi va tuman hokimi tomonidan qabul qilinadigan normativ-huquqiy va boshqa hujjatlar loyihalarining har tomonlama iqtisodiy, moliyaviy va huquqiy ekspertizadan o‘tkazish;

tasarrufidagi kotibiyat va tegishli tashkilot hamda muassasalarda O‘zbekiston Respublikasi Vazirlar Mahkamasining 1999 yil 12 yanvardagi “Ijro intizomini mustahkamlash chora-tadbirlari to‘g‘risida”gi 12-son hamda 1999 yil 29 martdagi “O‘zbekiston Respublikasi davlat hokimiyat va boshqaruv organlarida ish yuritish va ijro nazoratini tashkil etish bo‘yicha normativ xujjatlarni tasdiqlash to‘g‘risida”gi 140-son qarorlarining talablari asosida ish tashkil etish va ijro intizomini mustahkamlash;

jismoniy va yuridik shaxslarning murojaatlarini “Jismoniy va yuridik shaxslarning murojaatlari to‘g‘risida”gi O‘zbekiston Respublikasi Qonuniga muvofiq ko‘rib chiqish;

qonun hujjatlariga muvofiq boshqa vazifalarni ham bajaradi.

Quyidagi komissiya va Kengashlar ishiga rahbarlik qiladi:

Moliya-xo‘jalik faoliyatini amalga oshirmayotgan va qonunchilikda belgilangan muddatlarda o‘zlarining ustav jamg‘armalarini shakllantirmagan korxonalarni tugatish viloyat komissiyasi;

Jazoni o‘tash joylaridan ozod qilingan shaxslarga ijtimoiy-maishiy jihatdan va ishga joylashishda yordam ko‘rsatish bo‘yicha tuman hokimligi huzuridagi maxsus komissiyasi;

Fuqarolarni muddatli harbiy va muqobil xizmatlarga chaqirish, safarbarlik chaqiruvi rezervidagi xizmatga qabul qilish bo‘yicha tuman chaqiruv komissiyasi;

Kompyuterlashtirish va axborot-kommunikatsiya texnologiyalarini rivojlantirish bo‘yicha muvofiqlashtiruvchi Kengash;

O‘ta muhim va toifalangan ob’yektlar muhofazasini nazorat qilish komissiyasi;

tuman hokimligi huzuridagi Alkogolli mahsulotlar bilan chakana savdo qilish huquqini beradigan ruxsat guvohnomalarini berish bo‘yicha maxsus komissiyasi;

qonun hujjatlariga muvofiq tashkil etiladigan boshqa hududiy komissiyalar va kengashlar.

Quyidagi komissiya va Kengashlar ish faoliyatini tashkil etadi:

Dori vositalari va tibbiy buyumlarni chakana realizatsiya qilish uchun lisenziya berish bo‘yicha tuman komissiyasi;

Ijtimoiy ahamiyatga ega oziq-ovqat tovarlarining asosiy turlariga narx-navoni monitoring va nazorat qilish bo‘yicha doimiy faoliyat yuritadigan hududiy komissiya;

tumandagi byudjet tashkilotlarini yuqori malakali kadrlar va mutaxassislar bilan ta’minlash, ularni ijtimoiy qo‘llab-quvvatlash hamda aholi turmush darajasini oshirish ishlarini muvofiqlashtirish bo‘yicha komissiya.

O‘z vakolati doirasida quyidagi tashkilotlarning tegishli masalalari ko‘rib chiqilishini ta’minlaydi va faoliyatini muvofiqlashtiradi:

tuman hokimligi Moliya bosh boshqarmasi;

tuman Davlat soliq boshqarmasi;

tuman Statistika boshqarmasi;

tuman Davlat moliyaviy nazorat boshqarmasi;

tuman Gʻaznachilik boshqarmasi;

tuman iqtisodiyot va hududlarni kompleks rivojlantirish bosh boshqarmasi;

Byudjetdan tashqari pensiya jamg‘armasi tuman boshqarmasi;

Markaziy bankning tuman bosh boshqarmasi va tijorat banklari;

Tashqi savdo vazirligining tumandagi vakolatli vakili;

Savdo-sanoat palatasining tuman boshqarmasi;

tuman tovar xom-ashyo birjasi;

tuman Bandlik bosh boshqarmasi;

Axborot texnologiyalari va kommunikatsiyalarni rivojlantirish boshqarmasi;

“O‘zbekiston pochtasi” aksiyadorlik jamiyati tuman bo‘limi;

“O‘zbektelekom” kompaniyasi tuman filiali;

tuman Arxiv ishi bo‘limi;

tumandagi ulgurji savdo bilan shug‘ullanuvchi korxonalar.

tumandagi barcha avtomobil savdosi bilan shug‘ullanuvchi korxonalar;

tumandagi ulgurji sharob savdo bilan shug‘ullanuvchi korxonalar;

sug‘urta tashkilotlari;

tuman bozorlar uyushmasi (bozorlar va savdo komplekslari).