Tursunov Maxsud Maxmudovich-Ishtixon tumani hokimligi Axborot xizmati rahbari - matbuot kotibi

Tug‘ilgan  yili:   24.06.1985, Tug‘ilgan joyi: Ishtixon tumani                          

    Millati: O‘zbek, Ma’lumoti: Oliy,  2008 y. O‘zbekiston davlat san’at instituti(kunduzgi), 

Ma’lumoti bo‘yicha mutaxassisligi:  aktyorlik san’ati               

MEXNAT FAOLIYATI

2004-2008 yy. - O‘zbekiston davlat san’at instituti talabasi

2009-2009 yy. - Respublika qo‘g‘irchoq teatri aktyori

2009-2010 yy. - Respublika estrada - sirk kolleji sahna nutqi o‘qituvchisi

2011-2012 yy. - IP “O‘zdunrobita” OOO MJCH Samarqand filiali nazoratchisi

2013-2014 yy. - Ishtixon tumani 21-son bolalar musiqa va san’at maktabi aktyorlik san’ati o‘qituvchisi

2014-2015 yy. - Xususiy tadbirkor

2015-2015 yy. - Samarqand viloyat Xalq ijodiyoti va madaniy-ma’rifiy ishlar ilmiy-metodik markazi katta  ilmiy xodimi

2015-2017 yy. - Samarqand viloyat Oqdaryo tumani 2-son madaniyat va aholi dam olish markazi direktori

2017-2018 yy. - Ishtixon tumani 21-son bolalar musiqa va san’at maktabi o‘qituvchisi

2018-2023 yy. - Ishtixon tumani madaniyat bo‘limi mudiri

2023 y. - h.v.   - Ishtixon tumani hokimligi Axborot xizmati rahbari - matbuot kotibi

HOKIMLIK AXBOROT XIZMATINING ASOSIY XIZMAT VAZIFALARI

Tuman hokimligi rahbariyati tomonidan zamonaviy talablarga muvofiq belgilanadigan axborot siyosatini shakllantirish va amalga oshirishda ishtirok etadi;

axborot sohasidagi yagona davlat siyosatini amalga oshirish borasida O‘zbekiston Respublikasi Prezidentining Matbuot xizmati, davlat va xo‘jalik boshqaruvi boshqa organlarining axborot xizmatlari bilan samarali va amaliy hamkorlikni ta’minlaydi;

keng jamoatchilikni tuman hokimligining faoliyati, uning sohaga doir normativ-huquqiy hujjatlari to‘g‘risida xolisona, sifatli va tezkor xabardor qiladi;

ommaviy axborot vositalari bilan o‘zaro hamkorlik qiladi, xizmat bilan doimiy hamkorlikda ishlaydigan jurnalistlar doirasini shakllantiradi, axborot xabarlarini tarqatadi, ommaviy tadbirlarni tashkil etadi;

tuman hokimligining rasmiy veb-saytida axborotni tezkorlik bilan joylashtiradi va o‘z vaqtida yangilab boradi, Internet tarmog‘idagi veb-resurslarni, shu jumladan, ijtimoiy va mobil tarmoqlarni rivojlantiradi;

axborot maydoni monitoringini olib boradi va tahlil qiladi, ularga munosabat bildirishning turlari, usullari va darajasi bo‘yicha ekspertlar bilan birgalikda takliflar tayyorlaydi, OAV, shu jumladan, Internet tarmog‘ida materiallar tarqatish bo‘yicha kompleks ishlarni tashkil etadi;

tuman hokimligining boshqa bo‘linmalari bilan birgalikda milliy va xorijiy OAVda tarqatish uchun xabar, axborot-ma’lumot materiallar, sharhlar va axborot-tahliliy materiallar tayyorlaydi;

tuman hokimligi faoliyatini xorijiy OAVda sifatli yoritish maqsadida O‘zbekiston Respublikasining xorijiy mamlakatlardagi vakolatxonalarini, shuningdek, xorijiy mamlakatlarning O‘zbekistondagi diplomatik vakolatxonalarini axborot materiallari bilan ta’minlaydi;

idora faoliyatiga nisbatan jamoatchilik fikrining holati hamda milliy va xorijiy OAV pozitsiyasini tahlil qiladi va ular to‘g‘risida tuman hokimiga axborot beradi;

tuman hokimligining faoliyat sohasiga aloqador matnli, foto, audio va videomateriallar ma’lumotlar bankini shakllantiradi va yuritadi.

AXBOROT XIZMATI YuKLANGAN VAZIFALARNI AMALGA OShIRISh UChUN QUYIDAGI FUNKSIYaLARNI BAJARADI:

OAVda, shu jumladan, Internet tarmog‘ida axborot e’lon qiladi, shuningdek, ularni rasmiy veb-saytlarda, hamma kirishi mumkin bo‘lgan xonalar va joylarga joylashtirish va yangilab borishni ta’minlaydi;

ommaviy tadbirlarni, shu jumladan, viloyat hokimligining rahbarlari ishtirokidagi tadbirlarni tashkil etadi va o‘tkazadi;

OAV va jurnalistlarning so‘rovi asosida ularga og‘zaki, yozma va elektron hujjat shaklida axborot taqdim etadi;

qabul qilinayotgan qonun hujjatlari, sotsial va ijtimoiy ahamiyatga molik muhim dasturlar hamda O‘zbekiston Respublikasi hududida huquqni qo‘llash amaliyoti holati monitoringini olib boradi va keng jamoatchilikni xabardor qilib boradi;

Axborot xizmati oldida turgan vazifalarni samarali hal etish uchun zarur bo‘lgan axborotni tuman hokimligining boshqa bo‘linmalari bilan o‘zaro hamkorlikda to‘playdi va ularni puxta ishlaydi;

tuman hokimligi faoliyatiga doir masalalar bo‘yicha bosma materiallarni tayyorlaydi hamda milliy va xorijiy nashrlarda e’lon qiladi, teleko‘rsatuvlar va radioeshittirishlarni tashkil etadi, tegishli sohada davlat siyosatini amalga oshiradi;

tuman hokimligi faoliyatiga doir masalalar bo‘yicha jamoatchilik fikrini hamda milliy va xorijiy ommaviy axborot vositalari pozitsiyasini o‘rganishga doir tahliliy ishlarni amalga oshiradi, viloyat hokimligi rahbariyatiga axborot berish uchun e’lon qilingan dolzarb materiallar sharhlarini tayyorlaydi;

OAV bilan axborot-ma’lumotnoma ishlarini amalga oshirish uchun tuman hokimligi faoliyatining asosiy yo‘nalishlari bo‘yicha tahliliy, statistik va boshqa materiallarning tizimlashtirilgan ma’lumotlar banki tashkil etilishi va yuritilishini ta’minlaydi;

tuman hokimligi faoliyatini eng to‘liq va xolisona yoritish maqsadida milliy va xorijiy OAV hamda jurnalistlar bilan o‘zaro hamkorlikni amalga oshiradi;

tuman hokimligining veb-sayti tashkil etilishini va uni zamonaviy darajada yuritishni ta’minlaydi;

tuman hokimligi tomonidan tashkil etiladigan rasmiy tadbirlardan teledasturlar, roliklar va lavhalar tayyorlashda va ularni montaj qilishda ishtirok etadi hamda ushbu materiallarni belgilangan tartibda saqlash uchun ularning arxivlashtirilishini ta’minlaydi;

tuman hokimligi faoliyatiga doir foto, audio va videomateriallarni tayyorlaydi hamda ularni tayyorlash jarayonida davlat va nodavlat OAV bilan o‘zaro hamkorlik qiladi;

tuman hokimligining faoliyat sohasiga aloqador foto, audio va videomateriallar ma’lumotlar banki shakllantirilishi va yuritilishini ta’minlaydi.

Axborot xizmati o‘z vakolatlari doirasida milliy va xorijiy axborot agentliklari hamda OAVning tuman hokimligi faoliyati to‘g‘risidagi materiallarni tayyorlashda ko‘maklashish to‘g‘risidagi buyurtmanomalari va so‘rovlarini ko‘rib chiqadi.

• Media reja
• Aholi bilan savol-javoblar