Hokim O‘zbekqo‘rg‘on mahallasidagi obodonlashtirish va qishloq xo‘jaligi ishlari bilan tanishdi

Ishtixon tumani hokimi Fazliddin Ruziyev tumanning olis hududlaridan biri hisoblangan O‘zbekqurg‘on mahallasida amalga oshirilayotgan ishlar bilan tanishdi.

Mahallada yo‘llarni ta’mirlash, piyodalar uchun qulay va xavfsiz yo‘laklar qurish hamda ularni shag‘allashtirish ishlari ko‘zdan kechirildi. Bu o‘zgarishlar aholi turmush sharoitini yaxshilash, bolalar va yo‘lovchilarning kundalik harakatlanishini yengillashtirishga xizmat qiladi.

Shuningdek, hokim uzumchilik bilan shug‘ullanayotgan mahalliy dehqonlar bilan ham suhbatlashdi. Uchrashuvda ularning qishloq xo‘jaligidagi muammolari va takliflari tinglanib, amaliy yordam ko‘rsatish bo‘yicha muhokama o‘tkazildi.

Hokim mas’ullarga amalga oshirilayotgan ishlar sifatini nazorat qilish, qurilish va ta’mirlash jarayonlarini o‘z vaqtida yakuniga yetkazish, shuningdek, dehqonlarni qo‘llab-quvvatlashga oid topshiriqlar berdi.
——
ISHTIXON TUMANI HOKIMLIGI AXBOROT XIZMATI