Ishtixon tuman hokimi mahalla inspektorlari bilan muloqot o‘tkazdi

Ishtixon tumani hokimi Fazliddin Ro‘ziyev mahalla profilaktika inspektorlari bilan uchrashib, ularning faoliyatidagi dolzarb masalalarni muhokama qildi. 

🇺🇿Uchrashuvda jamoat xavfsizligini ta’minlash, mahallalardagi muammolarni hal etish va fuqarolarning huquq-tartibotga doir murojaatlarini ko‘rib chiqish masalalariga alohida e’tibor qaratildi.

🦅Muloqotda tuman Ichki ishlar bo‘limi (IIB) inspektorlari ham ishtirok etib, mahallalarda uchrayotgan muammolarni bartaraf etish bo‘yicha o‘z takliflarini bildirdilar. 

✅Jumladan, jinoyatchilikning oldini olish, yoshlar o‘rtasida targ‘ibot ishlarini kuchaytirish va profilaktika tadbirlarini samarali tashkil etish bo‘yicha takliflar muhokama qilindi.

🚔Shuningdek, uchrashuv davomida inspektorlarning ish sharoitlarini yaxshilash, ularni texnika va transport vositalari bilan ta’minlash borasida ham takliflar bildirildi. 

Tuman hokimi bu borada aniq chora-tadbirlar belgilanishini ta’kidladi.

🇺🇿Muloqot yakunida mahalla inspektorlari va IIB xodimlariga o‘z vazifalarini sidqidildan bajarish, fuqarolar bilan yaqin hamkorlikda ishlash hamda aholi bilan doimiy muloqotda bo‘lish muhimligi ta’kidlandi.
——
ISHTIXON TUMANI HOKIMLIGI AXBOROT XIZMATI