Ishtixon tumani fermerlari kengashi Rayosati a’zolarining fermerlarga

MUROJAATI

Ishtixon tumani fermerlari kengashi

SIFATLI DEFOLIATSIYA - ERTACHI VA MО‘L HOSIL GAROVIDIR

Ishtixon tumani fermerlari kengashi Rayosati a’zolarining fermerlarga

MUROJAATI

Bu yilgi tabiat qiyinchiliklariga qaramasdan, fermer va dehqonlar tomonidan tuman bо‘yicha 207 ta fermer xо‘jaliklari dalalarida Buxoro-102 navi 160 gektar, Sulton navi 1109 gektar, S-82-86 navi 1309 gektar, S-82-95 navi 3101 gektar, xorijiy navlar 1006 gektar, Ravnaq va boshqa navlar 225 gektardan ortiq jami 6910 gektar maydonlarda chigit qadab, mashaqqatli mehnatimiz evaziga paxtadan mо‘l hosil yig‘ishtirib olish pallasida turibmiz.

Bugungi kunda parvarishlanayotgan g‘о‘za maydonlarining 5951 gektar maydonlarida defoliatsiya о‘tkazilishi belgilangan.

Barchamiz yaxshi tushunamizki, hozirgi о‘ta murakkab iqlim sharoitida kо‘plab sinov va qiyinchiliklarga qaramasdan, paxtadan mо‘l hosil yetishtirish – bu chinakam jasorat va matonat namunasidir.

Siz, fermerlarni yanada qо‘llab-quvvatlash maqsadida birgina avgust oyida Muhtaram Prezidentimiz tomonidan uchdan ortiq imtiyozlar va imkoniyatlar yaratib berdi. Jumladan,

-paxtani о‘z vaqtida, nobud qilmay terib olish uchun fermerlarga tonnasiga 1 million sо‘mdan subsidiya hamda о‘z mablag‘i hisobidan paxta yetishtirsa yoki xarid qilsa, xomashyo qiymatining 10 foizi qoplab berish;

- “Qishloq xо‘jaligi sohasiga zamonaviy texnologiyalarni joriy etishni yanada jadallashtirish orqali samaradorlikni oshirish chora-tadbirlari tо‘g‘risidagi” Farmoni bilan esa fermer xо‘jaliklariga ekinlarni joylashtirish vakolatlarini berilishiga biz fermerlar labbay deb javob berish vaqtidi keldi desak adashmaymiz.

Xalqimiz Sizdek mirishkor dehqon va fermerlar, mohir suvchi va irrigatorlar, о‘z ishining haqiqiy ustasi bо‘lgan mexanizator va agronomlar, jonkuyar olim va tadqiqotchilar, klaster xodimlari timsolida ana shunday fidoyi insonlarni kо‘radi va el-yurt dasturxonini tо‘kin qilish yо‘lidagi sharafli va olijanob mehnatingizni yuksak qadrlaydi.

Aslida buning zamirida Siz va bizning fidoyiligimiz orqali mamlakatimizning iqtisodiyotiga hissa qо‘shishdir.

Shu muqaddas zaminda tavallud va tarbiya topgan, о‘zini aynan shu yurt farzandi deb bilguvchi inson о‘z davlati, xalqi oldidagi, uni umidlar bilan tarbiyalagan, voyaga yetkazgan jamiyat oldidagi burchini ado etishi kerakdir.

Himmati baland mirishkor fermerlar!

 Sentabr oyida bajariladigan g‘о‘za defoliatsiyasi agrotexnik tadbirining ahamiyati paxta hosildorligini oshirishda nihoyatda muhim. Negaki, g‘о‘za maydonlari о‘z vaqtida va sifatli defoliatsiya qilinsa hosil erta pishib yetiladi va hosilning erta yig‘ishtirilib olinishiga shu bilan birga uning asosiy qismini yuqori navlarda sotishga erishiladi.  

Yuqoridagidan kelib chiqib, paxtadan yuqori hosil olish uchun  sentabr oyida  ortiqcha yetishtirilgan har bir kilogramm paxta uchun qо‘shimcha daromad olishingizni yurakdan his etib, g‘о‘za defoliatsiyasi tadbiriga har qachongidan ham mas’uliyat bilan yondoshib amalga oshiraylik!

Katta mehnat evaziga yetishtirilgan hosilni kuzning yog‘in-sochiniga qoldirmay, tez va sifatli yig‘ib-terib olishda sentabr oyida amalga oshiriladigan g‘о‘za defoliatsiyasi tadbiri paxtakorlar uchun eng muhim tadbirdir. 

Shu sababli g‘о‘za defoliatsiyasini о‘tkazish uchun g‘о‘za maydonlaringizning har bir konturini alohida о‘rganib,  g‘о‘zalarning bir xil rivojlangan va biologik yetilganligiga alohida e’tibor bergan holda defoliatsiya о‘tkazishni sifatli va har bir tumanning iqlim sharotlaridan kelib chiqib, belgilangan muddatlari, qо‘llaniladigan defoliant turlari va meyorlarini belgilashingiz muhim ahamiyat kasb etadi.

Avvalo har bir fermer xо‘jaligi g‘о‘za parvarishida defoliatsiyasi oyida bajariladigan quyidagi agrotexnik tadbirlarni kengashib bajarilishi lozim.

 birinchidan , muddatida va sifatli о‘tkazilgan defoliatsiya g‘о‘za barglarini tо‘liq tо‘kilishini ta’minlaydi, qator oralaridan shamol о‘tishi va kо‘saklarga quyosh nurining kо‘proq tushishi natijasida barvaqt pishib yetilishi va ochilishiga qо‘shimcha imkon yaratiladi. Paxta qisqa muddatda yig‘ib-terib olinadi, keyingi yil hosili dala ishlarini tezlashtiradi. Paxtaning terim mashinalari yordamida terib olinishiga puxta zamin yaratadi.

 Ikkinchidan, defoliatsiya samaradorligiga ta’sir etuvchi omillardan biri bu havo harorati bо‘lib, defoliant о‘zining kimyoviy xususiyati va ta’sir etish mexanizmiga kо‘ra haroratga turli darajada talabchan bо‘ladi. Bu yil qо‘llash uchun tavsiya etilgan defoliant havoning sutkalik harorati 18°C yuqori bо‘lganda ijobiy samara berib, harorat pasayganda   defoliant ta’sir kuchini tamoman yо‘qotadi.

Shuning uchun defoliatsiya qilishdan oldin soha mutaxassisining havo harorati tо‘g‘risidagi aniq bashoratni olib, preparatni qо‘llash va sepish muddatlarini tо‘g‘ri belgilab olish zarur.

uchinchidan, defoliatsiya samaradorligi uni kun davomida о‘tkazishga bog‘liqligini e’tiborga olgan holda   kunning issiq paytida defoliatsiya sepish ishlarini amalga oshirmang. Chunki bunday paytda  sepilgan defoliantlar bargda sо‘rilmaydi va issiqlik ta’sirida tezda havoga parlanib ketib, tadbir besamar bо‘lib qoladi. Shuning uchun defoliatsiyani kunning salqin paytlarida, ya’ni ertalab shudring kо‘tarilgandan sо‘ng kunduzgi soat 11 gacha hamda kunning ikkinchi yarmida soat 16 dan kechgacha о‘tkazish yuqori samara berishini yodingizdan chiqarmang.

tо‘rtinchidan, tuproq namligining ham defoliatsiya samaradorligiga juda katta ahamiyatga ega ekanligini e’tiborga olgan holda tuproq namligi cheklangan dala nam sig‘imiga nisbatan 65-70% kam bо‘lmasligiga yoki traktor yurganda tuproqda uning yengil izi qoladigan darajada bо‘lishi lozimligiga alohida e’tibor qarating.

beshinchidan, havo harorati 22-23°C bо‘lganda ta’sir etuvchi moddasi tidiazuron+diuronbо‘lgan DEFOLTER 54% SC, Dalron-Super, DEFOLANT 0,150-0,200 l/ga kabi defoliantlardan va havo harorati о‘rtacha 20-25S past bо‘lganda g‘о‘zaga kontakt ta’sir etuvchi (UzDEF-K-7,0 l/ga, Suyuq XMD-7,0 l/ga, Fan DEF-a’lo 6,0 l/ga meyorlarda) defoliantlar qо‘llash yuqorori samara berishini e’tiborga olishingiz lozim.

oltinchidan, defoliatsiyadan oldin dala chetlari, sug‘orish ariqlari va о‘qariqlar hamda aylanish maydonchalarini sifatli tekislash, dala atrofini 8-12 metr kenglikda desikatsiya qilib, g‘о‘za tuplari yig‘ishtirib olish va dala chetiga chiqarish, tayyor bо‘lgan maydonchalarni texnika vositalari yordamida tekislash hamda о‘qariq va sug‘orish ariqlarini kо‘mish va shundan sо‘ngina texnikalarni dalaga kiritish zarur.

Shu bilan birga defoliatsiya tadbirlarida barcha ehtiyot choralarini kо‘rishingiz, ya’ni ishchi-xodimlaringizni tibbiy kо‘rikdan о‘tkazish, ularni shaxsiy himoya vositalari, qalin matodan tikilgan kombinzon, rezina qо‘lqop, rezina etik, respirator va himoya kо‘zoynagi bilan ta’minlashingiz  va ularning ish joyida ovqatlanish, suv ichishlariga aslo yо‘l qо‘ymaslik zarurligini unutmasligingiz zarur.

 Hurmatli fermer va dehqonlar!

 G‘о‘za defoliatsiyasi ilmiy tavsiyalar asosida о‘z muddatida va sifatli о‘tkazilsa,   barglar 85-90% ziyod tо‘kilib, kо‘saklar 90% ochiladi. Shunda paxta terimi uyushqoqlik bilan о‘tkazilib, birinchi terim hosili salmog‘i kо‘payadi va hosilning asosiy qismi oliy navlarga topshiriladi. Natijada fermer xо‘jaliklarida iqtisodiy manfaatdorlik ham ortadi.

Har birimiz g‘о‘za defoliatsiyasini sifatli va о‘z muddatlarida amalga oshirib paxtadan 50 sentner hosil olishga erishishga hamda Muhtaram Prezidentimiz tomonidan joriy qilingan imtiyozlardan foydalanishga chaqiramiz.

Aziz fermer va dehqonlar!

Paxta yig‘im-terimi mavsumi oldidan shunday mehnat kо‘tarinkiligini tashkil qilaylikki, toki har bir О‘zbekistonlikman, degan inson о‘zini dehqondek his etsin. Bobodehqon yelkasidagi yukni kо‘tarishga kamarbasta bо‘lish, el-yurt tashvishiga sheriklik qilish, dehqonning zafarlaridan faxrlanish uchun kurashish hissi yuragingizda jо‘sh ursin!

Barchangizni mazkur ezgu ishda ishtirok etishga chorlab, iqtisodiyotimizni yuksaltirishga, ona yurtimiz yanada obod bо‘lishi uchun munosib hissangizni qо‘shishga hamda   paxta yig‘im-terimi mavsumiga puxta tayyorgarlik kо‘rishga va paxta terimi oldidan о‘tkaziladigan defoliatsiya tadbiriga alohida e’tibor qaratishingizga da’vat etamiz!

Ishtixon tuman fermerlari kengashi Rayosat a’zolari

7 просмотров • Ошибка в превью?