Ishtixon tumani futbol jamoasi “Ishtixon” FK Samarqand viloyati 2-Liga birinchiligida tarixiy g‘alabani qo‘lga kiritdi.  

Bugun Kattaqo‘rg‘on shahrida bo‘lib o‘tgan 26-tur uchrashuvida “Ishtixon” FK raqibi “Do‘stlik” jamoasini mag‘lub etib, musobaqa g‘olibligini rasman ta’minladi va chempionlik shohsupasidan joy oldi.

Ushbu g‘alaba jamoaning yil davomidagi mehnat va sa’y-harakatlarining samarasi bo‘lib, har bir o‘yinchining fidoyiligi va murabbiylar jamoasining uzluksiz mehnati, shuningdek, muxlislarning qo‘llab-quvvatlashi natijasidir. Bu chempionlik nafaqat jamoa a’zolari, balki barcha Ishtixonliklar uchun katta sharaf va quvonchni ifoda etadi.

“Ishtixon” FK chempionligi bilan butun tuman ahlini tabriklaymiz! Bu g‘alaba yoshlarimizga ilhom bersin, sportga bo‘lgan muhabbatni yanada kuchaytirsin. 

Gʻalaba muborak bo‘lsin, Ishtixon!
——
ISHTIXON TUMANI HOKIMLIGI AXBOROT XIZMATIa