Ishtixonda "Ichki ishlar organlari xodimlari kuni" nishonlandi

Ishtixon tumanining "Bogʻdod" bazmgohida "Ichki ishlar organlari xodimlari kuni" munosabati bilan bayram tadbiri boʻlib oʻtdi.

Tadbirda ishtirok etgan tuman hokimi Fazliddin Ruziyev va sektor rahbarlari ichki ishlar xodimlarini kasb bayrami bilan samimiy tabriklab, yurt tinchligini, qonunlar ustuvorligini ta'minlash, jinoyatchilik va huquqbuzarliklarning oldini olishdek mashaqqatli, shu bilan birga sharafli xizmat faoliyatlarida muvaffaqiyatlar tiladi.

Tizimda samarali xizmat qilib kelayotgan bir guruh xodimlar va soha faxriylariga tashakkurnoma, esdalik sovg'alari topshirildi.

Tuman madaniyat xonandalari tomonidan ijro etilgan kuy-qo'shiqlar tadbir ishtirokchilariga ko'tarinkilik va yuqori kayfiyat ulashdi.
——
ISHTIXON TUMANI HOKIMLIGI AXBOROT XIZMATI