Ishtixonda arzon va sifatli mahsulotlar yarmarkasi hamda bozorda raqamlashtirish tizimi o‘rganildi

Ishtixon tumani hokimi Fazliddin Ruziyev tumanning “Dehqon bozori”dagi yarmarka faoliyati va bozorda joriy qilingan raqamlashtirilgan tizim bilan tanishdi.

Unda bayram arafasida aholini arzon va sifatli mahsulotlar bilan ta’minlash masalalari atroflicha ko‘rib chiqildi. 

Savdo nuqtalarida mahsulot turlari, ularning sifati hamda narx-navolari o‘rganilib, fuqarolar uchun qulayliklar yaratilgani qayd etildi.

Shu bilan birga, bozorda raqamlashtirish tizimini joriy etish orqali savdoni tartibga solish, shaffoflikni ta’minlash va tadbirkorlar hamda xaridorlar uchun imkoniyatlarni kengaytirish masalalariga e’tibor qaratildi.
——
ISHTIXON TUMANI HOKIMLIGI AXBOROT XIZMATI