Parij-2024 yozgi Olimpiya oʻyinlarida ishtirok etib, yorqin va unutilmas natijalarni qayd etgan Oʻzbekiston delegatsiyasi aʼzolari kecha 12-avgust kuni yurtimizga yetib kelishdi. 

Prezidentimiz Shavkat Mirziyoyevning topshiriqlariga binoan, delegatsiyamiz aʼzolari Toshkent aeroportida tantanali kutib olindi.

Olimpiyachilarimiz korteji poytaxt koʻchalari boʻylab aylanib, Milliy olimpiya qoʻmitasiga keldi. Bu yerda Oliy Majlis Senati raisi Tanzila Narbayeva va Bosh vazir Abdulla Aripov chempionlarga Davlatimiz rahbari nomlaridan uy, avtomobil hamda tegishli miqdordagi pul mukofotlarini topshirdilar.

Bu yilgi olimpiadada oʻzbekistonlik har bir sportchining chiqishini yurtdoshlarimiz oʻzgacha hayajon va intiqlik bilan kuzatib borishdi. Bunga javoban atletlarimiz oʻzlarining yorqin gʻalabalari bilan barcha yurtdoshlarimizga juda yuqori kayfiyat ulashishdi. Unutilmas va tarixiy natijalarga barchamiz guvoh boʻldik.
——
ISHTIXON TUMANI HOKIMLIGI AXBOROT XIZMATI