Sifatli jensi ishlab chiqarishda yangi qadamlar

Ishtixon tumani hokimi Fazliddin Ruziyev tumandagi “Afrasiyob Jens” MCHJ Ishtixon filialida bo‘lib, fabrika faoliyati va ishchi-xodimlar uchun yaratilgan shart-sharoitlar bilan tanishdi.

Hokim sexlardagi ish jarayonlarini ko‘zdan kechirdi, ishchi-xodimlar bilan ochiq va samimiy muloqot o‘tkazdi..

Jensi shimlar ishlab chiqarishga ixtisoslashgan mazkur fabrikada mehnatkashlar o‘z faoliyati va ish sharoitlaridan mamnun ekanliklarini ta’kidlashdi.

Rahbarning bevosita ish joylariga borib, ishchi-xodimlar fikrini eshitishi ularning ishonchi va mehnat unumdorligini yanada oshirishga xizmat qildi.
——
ISHTIXON TUMANI HOKIMLIGI AXBOROT XIZMATI