Yangi nodavlat maktabgacha ta’lim tashkiloti foydalanishga topshirildi.

“Chimqo’rg’on” mahallasi, “Kamar” qishlog’ida tadbirkor tomonidan yangi nodavlat maktabgacha ta’lim tashkiloti foydalanishga topshirildi. “Shirin Dunyo” nomli ushbu tashkilot 50 nafar bolaga mo‘ljallangan bo‘lib, mahalliy tadbirkor tomonidan bolalarni maktabgacha ta’lim bilan qamrab olish va ta’lim sifatini oshirish maqsadida tashkil etildi.

Ushbu nodavlat maktabgacha ta’lim tashkiloti zamonaviy jihozlar bilan ta’minlangan, bolalarning har tomonlama rivojlanishi uchun qulay shart-sharoitlar yaratilgan.

“Shirin Dunyo” maktabgacha ta’lim tashkiloti mahalliy aholining ehtiyojlarini qondirishda, ya’ni bolalarni ta’lim va tarbiya bilan qamrab olishda muhim qadam bo‘ldi. Shu bilan birga, yangi ish o‘rinlari ham yaratilgan bo‘lib, bu hududdagi iqtisodiy va ijtimoiy rivojlanishga hissa qo‘shadi. 

Mazkur tashabbus tadbirkorlarning mahalliy aholi farzandlari uchun sifatli ta’lim va tarbiya olish imkoniyatlarini kengaytirish yo‘lidagi muhim amaliy harakatlaridan biridir.
——
ISHTIXON TUMANI HOKIMLIGI AXBOROT XIZMATI