* “Саховат ва кўмак” жамғармаси ҳисобидан Иштихон туманидаги 2515 нафар моддий кўмакка муҳтож оилалар 15 кунлик 13 турдаги озиқ-овқат маҳсулотлари билан таъминланди.

Ўзбекистон Республикаси Ички ишлар вазирлигининг Самарқанд академик лицейига ўқишга кириш истагини билдирган, Самарқанд вилояти ҳудудидаги доимий яшаш манзили бўйича умумтаълим мактабларининг жорий ўқув йилида 9-синфларини тамомлаётган ўқувчиларнинг аризалари Вазирлар Маҳкамасининг қарори билан тасдиқланган низом ҳамда ИИВнинг тегишли буйруқ ва кўрсатмалари асосида қабул қилинмоқда.
Аризалар 15 май кунига қадар қабул қилинади.

Самарқанд вилояти ИИБ ахборот хизмати.
 

Президент Шавкат Мирзиёев 7 май куни ўтказилган видеоселектор йиғилиши бошида коронавирус пандемиясига қарши кураш борасида мамлакатимизда амалга оширилаётган ишларга алоҳида тўхталиб ўтди.

Йиғилишда маълум қилинишича, Ўзбекистонга хориждан қайтган ва беморлар билан мулоқотда бўлган 45 минг киши карантинга олинган.

Самарқанд вилоятида 17 нафар коронавирус инфекциясига чалинган бемор бутунлай соғайди ва реабилитацияга кузатилди.

Тузалганларнинг барчаси Самарқанд вилоятидан (5 нафардан Самарқанд шаҳри ва Тойлоқ туманидан, 2 нафардан Оқдарё ва Пайариқ туманидан, Паст Дарғом, Нарпай ва Самарқанд туманларидан 1 нафардан) бўлиб, коронавирус инфекциясига чалинганлар билан мулоқотда бўлиб, касалликни юқтириб олган. Уларнинг 10 нафари эркак, 7 нафари аёл, ёши каттаси 52 ёшда бўлса, ёши кичиги эса 2019 йил туғилган чақалоқ.