Молия вазирлиги ҳузуридаги бюджетдан ташқари Пенсия жамғармаси томонидан 2020 йил 1 апрелгача пенсия ислоҳотининг янги концепцияси тайёрланиши ва кенг жамоатчилик муҳокамасига қўйилиши режалаштирилган. Бу ҳақида Тошкент шаҳар ҳокимлиги матбуот хизмати хабар қилмоқда.

Эртага – 21 февраль куни соат 11:00 да Самарқанд вилоят ҳокимлигида халқ депутатлари вилоят Кенгашининг учинчи сессияси бўлади.

Сессия ишида Президентимизнинг 2020 йил 18 февралдаги “Жамиятда ижтимоий-маънавий муҳитни соғломлаштириш, маҳалла институтини янада қўллаб-қувватлаш ҳамда оила ва хотин-қизлар билан ишлаш тизимини янги даражага олиб чиқиш чора-тадбирлари тўғрисида”ги фармони асосида ташкил этилган Маҳалла ва оилани қўллаб-қувватлаш вазирлигининг Самарқанд вилояти бошқармасига раҳбар ва унинг ўринбосарлари тасдиқланади.

Олий Мажлис Сенати Раиси Танзила Нарбаева Кенгаш мажлисини очар экан, Ўзбекистон Республикаси Президенти Шавкат Мирзиёевнинг Олий Мажлисга йўллаган Мурожаатномасидан келиб чиқадиган долзарб вазифаларнинг, шунингдек парламент юқори палатаси зиммасига юкланган ваколатларнинг амалга оширилиши борасида Сенат аъзоларининг масъулияти ҳақида тўхталиб ўтди.

Мажлисда Ўзбекистон Республикаси Олий Мажлиси Сенатининг иккинчи ялпи мажлисини жорий йил 28 февраль куни чақириш тўғрисида қарор қабул қилинди.

Афғонистон ҳудудидан ҳарбий қисмларнинг олиб чиқилганлигининг 31 йиллиги муносабати билан 21- сонли Мусиқа мактаби биносида ташкил этилган тадбирда туман ҳокимлиги, туман мудофаа ишлари бўлими, “Ветеран” жангчи фахрийлар ва ногиронлар Республика бирлашмаси вакиллари иштирок этишди. Тадбир иштирокчилари Фахрий қоровул ва оркестр садолари остида Мотамсаро она ҳайкали пойига гуллар қўйишди.