Самарқанд вилояти ҳокими Э.Турдимов таниқли тарихчи олим, Маҳдуми Аъзам Даҳбедий илмий-тадқиқот фонди раҳбари Комилхон Каттаевнинг хонадонига бориб, олим ва унинг оила аъзоларини Янги йил байрами билан табриклади.

"Ўзбеккино" миллий агентлиги 29 декабрь куни "Ўткан кунлар" фильмининг тўлиқ версиясини бир кунда намойиш қилиш акциясини ўтказмоқчи. Буюк адиб Абдулла Қодирий романи асосида яратилган ушбу фильм намойиши ёзувчи таваллудининг 125 йиллигига бағишланади.

Самарқанд шаҳридаги 3-сон болалар мусиқа ва санъат мактабида “Энг яхши китобхон маҳалла” кўрик-танловининг вилоят босқичи бўлиб ўтди.
Танловда туман ва шаҳар босқичларида ғолибликни қўлга киритган жамоалар “Ўзбек мумтоз адабиёти билимдони”, “Шеърият”, “Муаммоли вазият” ҳамда “Маҳалла ҳаётига менинг ҳиссам” каби шартлар бўйича яна бир бор ўз билимларини синовдан ўтказишди.

Самарқанд шаҳрида судьялар ва давлат бошқаруви органларининг ҳодимлари учун маъмурий суд ишларини юритишнинг назарий ва амалий масалаларига бағишланган тренинг бошланди. Мазкур тренинг Ўзбекистон Республикаси Олий суди, АҚШ Халқаро тараққиёт агентлиги (USAID) ва БМТ Тараққиёт дастурининг «Ўзбекистонда қонун устуворлиги йўлида ҳамкорлик» қўшма лойиҳаси доирасида ташкил этилган. Тренинг 26-28 декабрь кунлари давом этиб, бунда мамлакатимизнинг барча вилоятларидаги маъмурий суд судьялари, ҳокимликлар ва жамоатчилик вакиллари иштирок этишмоқда.