O`quv soat o`zbek tilini davlat tili sifatida qo`llanishini kengaytirish masalasiga bag`ishlandi

Tuman hokimligi apparat xodimlari ishtirokida bo`lib o`tgan navbatdagi o`quv soati o’zbek tilining davlat tili sifatida qo’llanilishini kengaytirish, rivojlantirish va takomillashtirish masalasida bo`lib o`tdi. O`quv soat avvalida mavzuga oid videorolik qo`yib berildi. Shundan so`ng tuman hokimining yoshlar siyosati, ijtimoiy rivojlantirish va ma'naviy-ma'rifiy ishlar bo'yicha o'rinbosari va davlat tili to'g'risidagi qonun hujjatlariga rioya etilishini ta'minlash masalalari bo'yicha maslahatchisining ma`ruzalari tinglandi. Ma`ruzachilar O‘zbekiston Respublikasi Prezidentining 2019 yil 21 oktyabrdagi “O‘zbek tilining davlat tili sifatidagi nufuzi va mavqeini tubdan oshirish chora-tadbirlari to‘g‘risida”gi Farmoni ijrosini ta’minlash maqsadida 2019 yil 12 dekabr kuni Vazirlar Mahkamasining o‘zbek tilining davlat tili sifatida qo‘llanilishini kengaytirish, rivojlantirish, ilmiy tadqiqotlarni qo‘llab-quvvatlash, o‘qitish metodikasini takomillashtirish bo‘yicha 2019-2020 yillarga mo‘ljallangan  chora-tadbirlar dasturi,  Dasturda davlat tilining internet tarmog‘idagi nufuzini oshirish, axborot texnologiyalari vositasida o‘zbek tilini o‘rganmoqchi bo‘lganlar uchun qulayliklar yaratish bo‘yicha belgilab berilgan vazifalar yuzasidan so`z yuritishdi.

Ishtixon tuman hokimligi axborot xizmati