Иштихонда хотин-қизлар ижтимоий қўллаб-қувватланмоқда

Мамлакатимизда хотин-қизларнинг жамият ҳаётидаги ўрни ва нуфузини ошириш, уларнинг моддий ва маънавий қўллаб-қўвватлаш,  ижтимоий ҳимоясини кучайтириш ҳамда ҳуқуқ ва манфаатларини таъминлаш борасида тизимли ишлар амалга оширилмоқда. Бу борада Иштихон туманида ҳам кўпгина амалий ишлар қилинмоқда. Жумладан, Ўзбекистон Республикаси касаба уюшмалари федерацияси томонидан хотин-қизларни моддий қўллаб-қувватлаш ва ижтимоий ҳимоясини кучайтириш орқали ҳаётини йўлга қўйиб олишлари учун 140 миллионлик қурилиш материаллари ва дори-дармон воситалари етказиб берилди. Жумладан, 136 миллион 228 минг сўмлик қурилиш материаллари, 13 миллион 240 минг сўмлик дори-дармон воситалари тарқатилди. 
–  Уйимизни қўни-қўшни ва қариндош-уруғларнинг ёрдами билан қуриб олдик аммо шифер олишга пулимиз йўқ эди, – дейди Барлос маҳалласида яшовчи М.Усмонова. – Ўзбекистон Республикаси касаба уюшмалари федерацияси томонидан маблағ ажратилган экан бизга ҳам 40 та шифер олиб беришди. 
Айни кунларда бу каби ёрдам кўрсатиш ишлари давом этмоқда.
Иштихон туман ҳокимлиги ахборот хизмати