Махсус имкониятлар
Бугунги кунда Ўзбекистонда қабул қилинаётган барча муҳим қарорларни кенг жамоатчилик ва экспертлар билан маслаҳатлашган ҳолда қабул қилиш амалиёти кенг жорий қилинмоқда.
Бу эса мамлакат аҳолисида кучли фуқаролик позициясининг шаклланиши, ижтимоий-иқтисодий ва сиёсий масалаларга эркин муносабат билдира олувчи жамоатчилик фикри лидерларининг янги авлодини шаклланишига туртки бўлмоқда.
“Юксалиш” умуммиллий ҳаракати Ижтимоий ва иқтисодий ташаббуслар институти (https://t.me/initiativeuz) экспертлари билан ҳамкорликда Ўзбекистоннинг сўнгги йиллардаги жамоатчилик фаоллари Топ-30 талик рўйхатини тузди.
Мазкур рейтинг Ўзбекистонда фикрлар плюрализмининг таъминланишига, аҳолининг турли ижтимоий ва иқтисодий масалалар юзасидан хабардорлик даражасининг ошишига ҳиссасини қўшиб келаётган журналистлар, мустақил экспертлар, блогерлар ва бошқа жамоатчилик фаоллардан ташкил топган.
"Юксалиш" умуммиллий ҳаракати матбуот хизмати.
