Жаҳон банки Ўзбекистонга 200 миллион доллар ажратди

Жаҳон банки директорлар кенгаши Ўзбекистонга 200 миллион доллар ажратишни маъқуллади.

Бу ҳақда Ўзбекистон Республикаси иқтисодий тараққиёт ва камбағалликни қисқартириш вазири Жамшид Қўчқоров ўзининг Твиттердаги саҳифасида маълум қилди.

“Муҳтарам Президентимиз томонидан олиб борилаётган самарали иқтисодий-ижтимоий сиёсатни эътироф этиш ва қўллаб-қувватлаш сифатида бугун Жаҳон банкининг директорлар кенгаши Ўзбекистонга 200 миллион доллар ажратишни маъқуллади“, деб ёзди вазир.

Ушбу маблағлар соғлиқни сақлаш ва ижтимоий ҳимоя тизимини мустаҳкамлашга, шунингдек, иқтисодиёт тармоқларини қўллаб-қувватлашга йўналтирилиши маълум қилинган.

Zarnews.uz