Самарқанд шаҳрига кириш ва чиқишда чекловлар кучайтирилади, шаҳар ҳудудида куннинг маълум вақтларида махсус рухсатномасиз ҳаракатланиш имконияти яна бекор қилинади. Шунингдек, фаолиятига рухсат берилган тадбиркорлик субъектлари ҳар бир мижоз ҳароратини ўлчаб, уларга бепул янги ниқоб ва қўлқоп тарқатиши шарт ҳисобланади.

Самарқанднинг Иштихон туманида аҳоли тасарруфида 6712,5 гектар томорқа мавжуд. Бу ерларда асосий турдаги қишлоқ хўжалик маҳсулотлари етиштирилади. Айни пайтда “Бир маҳалла – бир маҳсулот” тамойили асосида томорқадан унумли фойдаланиш борасидаги ишлар самараси ўлароқ тумандаги Бешариқ маҳалласи помидор кўчати, Катта Қанғли маҳалласи эса қулупнай етиштиришга ихтисослаштирилди.

1974 йилда Халқаро ҳамширалар кенгаши ташаббуси билан ҳамшира соҳаси асосчиларидан бири Флоренс Найтингейлнинг таваллуд куни муносабати билан 12 май - Халқаро ҳамширалар куни сифатида йил тақвимига муҳрланган.

“Ўзагроинспекция”нинг вилоят бошқармаси ташаббуси билан Булунғур, Жомбой, Тойлоқ, Ургут, Самарқанд, Иштихон туманларида “Ҳар бир оила меҳр ва эътибордан четда қолмайди” номли ҳайрия акцияси ўтказилди.

Саховат тадбирида Иштихон тумани Орлот маҳалласига қарашли  Орлот-1, Орлот-2, Орлот-3, Орлот-4 ҳамда Кулчара қишлоқларидаги 700 дан ортиқ хонадонда истиқомат қилувчи 4 мингдан зиёд аҳолига 10 минг донадан ортиқ помидор, булғор қалампири, бақлажон ва бошқа кўчатлар тарқатилди.