Иштихон туманида янги йил байрами арафасида Янги йил ярмаркалари ташкил этилди

Иштихон шахридаги хиёбонда безатилган арча остида бир қатор ёшлар ва болажонлар йил бўйи орзиқиб кутилган янги йил байрамини нишонлашмоқда. Мусиқали чиқишлар ва қувноқ рақслар байрам кайфиятига янада ўзгача тус берган. Севимли ертак қаҳрамонлари эса, болалар, ота-оналар ва шахримиз мехмонларига қувонч улашмоқда.

Сиз суратда кўриб турган мазкур бино 2019 йил якунигача мана шундай кўринишда бўлади. Иштихон туманидаги “Қўчқор Қаршиев” маҳалласида замонавий талаблар даражасида кинотеатр қурилмоқда.

Ёш тадбиркор Дилшод Равшанов томонидан бунёд этилаётган мазкур иншоотнинг иккинчи қавати кинотеатр бўлса, биринчи қаватида маиший хизмат кўрсатиш шохобчаси йўлга қўйилади.

Туманда “Ватан - муқаддас, уни ҳимоя қилиш шарафли бурчдир!” деган умумий ғоя остида 21-сонли мусиқа ва санат мактабида  2018 йил 15 декабрдан 2019 йил 15 январгача “Ватанпарварлик ойлиги” муносабати билан тадбир ўтказилди. Тадбирда туман ҳокимлиги, туман Мудофаа ишлари бўлими, "Ватанпарвар" ташкилоти, Ёшлар иттифоқи туман кенгаши ва тумандаги нафақадаги ҳарбий хизматчилар корхона, ташкилот ва муассаса раҳбарлари иштирок этишди.