Иқтисодий кўрсаткичлар

Иштихон туманининг 2019 йилги маҳаллий бюджети параметрларини тасдиқлаш тўғрисида

      Ўзбекистон Республикаси Бюджет кодексининг ("Ўзбекистон Республикаси қонун ҳужжатлари тўплами", 2013 йил 31 декабрь, 52-(I)-сон) 28, 99-моддалари, Ўзбекистон Республикаси Олий Мажлиси Сенатининг 2018 йил 13 декабрдаги “Ўзбекистон Республикасининг 2019 йилги Давлат бюджети, давлат мақсадли жамғармаларининг бюджетлари ҳамда солиқ ва бюджет сиёсатининг асосий йўналишлари тўғрисида”ги СҚ-348-Ш-сон қарори, Ўзбекистон Республикаси Президентининг 2018 йил 26 декабрдаги “Ўзбекистон Республикасининг 2019 йилги асосий макроиқтисодий кўрсаткичлари прогнози ва Давлат бюджети параметрлари ҳамда 2020-2021 йилларга мўлжаллари тўғрисида”ги ПҚ-4086-сонли қарори, Самарқанд вилояти ҳокимининг “Самарқанд вилоятининг 2019 йилги маҳаллий бюджет параметрларини тасдиқлаш тўғрисида”ги 13-Қ-сонли  қарори ҳамда халқ депутатлари Иштихон туман Кенгашининг 2018 йил 27 декабрдаги “Иштихон туманининг 2019 йилги маҳаллий бюджет параметрлари тўғрисида”ги 143-47-сонли қарори ижросини таъминлаш мақсадида Ўзбекистон Республикаси Молия вазирлигининг 2018 йил 26 декабрдаги ЖҚ/20-01-32-10/724-сонли хати ҳамда “Маҳаллий давлат ҳокимияти тўғрисида”ги Ўзбекистон Республикаси Қонунининг (Ўзбекистон Республикаси Олий Кенгашининг Ахборотномаси, 1993 й., 9-сон, 320-модда) 6, 25-моддаларига асосан

 

ҚАРОР ҚИЛАМАН:

            1. Ўзбекистон Республикаси Президентининг 2018 йил 26 декабрдаги “Ўзбекистон Республикасининг 2019 йилги асосий макроиқтисодий кўрсаткичлари прогнози ва Давлат бюджети параметрлари ҳамда 2020-2021 йилларга мўлжаллари тўғрисида”ги ПҚ-4086-сонли, Самарқанд вилояти ҳокимининг “Самарқанд вилоятининг 2019 йилги маҳаллий бюджет параметрларини тасдиқлаш тўғрисида”ги 13-Қ-сонли  ва халқ депутатлари Иштихон туман Кенгашининг 2018 йил 27 декабрдаги “Иштихон туманининг 2019 йилги маҳаллий бюджет параметрлари тўғрисида”ги 143-47-сонли қарорлари ижро учун қабул қилинсин.

           2. Қуйидагилар:

Иштихон туман маҳаллий бюджетининг 2019 йилги параметрлари 1-иловага         мувофиқ;

Иштихон туман маҳаллий бюджет учун 2019 йилги даромадлари, харажатлари ва ижтимоий соҳа учун трансфертлари ҳажми 2-иловага мувофиқ;

Иштихон туман маҳаллий бюджетининг 2019 йилги захира жамғармаси маблағлари миқдори 3-иловага мувофиқ;

Иштихон туман маҳаллий бюджетининг 2019 йилги айланма касса маблағлари меъёри 4-иловага мувофиқ;

2019 йилда даромад ва солиқлар тушумларидан туманнинг бюджетига ажратмалар меъёри 5-иловага мувофиқ тасдиқлансин.

            3. Туман маҳаллий бюджетларига солиқ ва бошқа мажбурий тўловлардан қўшиладиган даромадлар тегишли бюджет параметрларида кўзда тутилмаган харажатларга йўналтирилишига йўл қўйилмасин.

  1. Туман Молия бўлими (С.Ибрагимов):

даромадлар ва харажатлар ўртасидаги вақтинчалик касса тафовутларини қоплаш мақсадида туман маҳаллий бюджетига вилоят маҳаллий бюджетидан мақсадли трансфертлар ва ссудалар ажратишда барча солиқлар ва бошқа мажбурий тўловларни тўлиқ туширилишини назоратга олсин;

иш ҳақи, нафақалар ва уларга тенглаштирилган тўловлар бўйича туман маҳаллий бюджетининг харажатларини биринчи навбатда сўзсиз молиялаштириш зарурлигидан келиб чиққан ҳолда аниқлаштирсин.

             5. Бюджет ташкилотлари ва бюджет маблағларини олувчиларнинг харажатлар сметасида кўзда тутилган иш ҳақи, нафақалар ва унга тенглаштирилган тўловлар туман маҳаллий бюджетининг тасдиқланган харажатлари параметри доирасида амалга оширилсин.

             6. Вилоят бюджетидан бюджет ссудалари олиш учун сўровнома киритишда уларни қоплаш муддати ва манбалари тўғрисида тўлиқ ахборот тақдим этилсин.

              7. Туман ҳокимининг биринчи ўринбосари (Ш.Ибрагимов), Туман Молия бўлими (С.Ибрагимов) 2019 йилдан бошлаб бюджет маблағларини тақсимлашда туман бюджетлари қўшимча манбаларининг камида
10 фоизини жамоатчилик фикри асосида шакллантирилган тадбирларга йўналтирилсин.

               8. Мазкур қарор “Иштихон овози” газетасида эълон қилинсин ҳамда ҳокимликнинг ishtixon.uz расмий веб-сайтига жойлаштирилсин.

               9.Ушбу қарор расмий эълон қилинган кундан эътиборан кучга киради.

             10. Мазкур қарорнинг бажарилишини назорат қилиш туман хокимининг биринчи ўринбосари Ш.Ибрагимов зиммасига юклатилсин.

 

Туман хокими:                                                   Ш.Негматов

2015-2019 © Иштихон туман ҳокимлиги. Сайт яратувчиси: SAKTRM