Бугун туман ҳокими Шуҳрат Негматовнинг навбатдаги сайёр қабули бўлиб ўтди. Сайёр қабулда, 66 нафар фуқароларнинг мурожаатлари тингланди. Жумладан, Янгиравот қишлоқ аҳолисининг мурожаатига асосан қишлоқ ҳудудидаги 4 дона эскирган электр таянчлар алмаштирилади, Усанов Ғофурга артизан қуриш учун имтиёзли кредит ажратилади, Жумаева Дилшодага бепул газ баллон бериладиган бўлди, Бозорова Гулнора туман Аҳоли бандлигига кўмаклашиш маркази томонидан ишга жойлаштирилди, Ўктамова Шабнамнинг даволаниши учун туман тиббиёт бирлашмаси томонидан зарурий ёрдамлар кўрсатилади. Шу каби, мурожаатлар тингланиб уларнинг ижроси юзасидан топшириқлар берилди.
Иштихон туман ҳокимлиги ахборот хизмати