АФҒОНИСТОНДАН СОВЕТ ҚЎШИНЛАРИ ОЛИБ ЧИҚИБ КЕТИЛГАНИГА 33 ЙИЛ ТЎЛДИ.

АФҒОНИСТОНДАН СОВЕТ ҚЎШИНЛАРИ ОЛИБ ЧИҚИБ КЕТИЛГАНИГА 33 ЙИЛ ТЎЛДИ.
УШБУ САНА МУНОСАБАТИ БИЛАН ИШТИХОН ТУМАНИДА АФҒОН УРУШИДА ҲАЛОК БЎЛГАНЛАР ЁД ЭТИЛДИ

Яратганга минг шукрлар бўлсинки, бугун жонажон Ватанимизда, оилаларимизда тинчлик хотиржамлик ҳукм сўрмоқда.

Иштихон туман ҳокимлиги ва “Ветеран” жангчи - фахрийлари ва ногиронлари Иштихон туман бўлинмаси билан ҳамкорликда, Митан шаҳарчасидаги афғон урушида қатнашган жангчилар учун бунёд этилган "Хотира майдони"да  ушбу дахшатди урушда ҳалок бўлган иштихонлик ўғлонлар ёд этилди.

Тадбирда Иштихон туман ҳокими Шуҳрат Негматов ҳам иштирок этиб, тадбир иштирокчилари билан биргаликда хотира майдонига гул қўйишди, афғон жангчилари дўстлари хотирасига ҳурмат бажо келтиришди, тадбирда туман ҳокими нутқ сўзлаб ўтганларни номларини таъкидлаб ўтди.

Афғонистон. Бу сўз бугун жаҳон оммаси учун «нотинчлик», «жанг-у жадал» майдони кўз олдимизда гавдаланади.  Бироқ бир пайтлар бу давлат ҳам тинч ривожланиш жараёнида бўлган. Одамлар эрталаб хотиржам уйғонган, нотинчлик ва урушни хаёлига келтирмасдан яшаган. Аммо, ўтган асрнинг 70-йилларига келиб вазият ўзгарди...

1989 йилнинг 15 февралида Афғонистондан совет қўшинларининг сўнги қисми олиб чиқиб кетилди. Мана орадан 33 йил ўтди ҳамки, афғон урушининг жароҳати қалбларда ҳамон битмайди, дейди туман ҳокими Шуҳрат Негматов ўз нутқида.

Афғон урушидан энг кўп жабр чеккан ҳудудлар Марказий Осиё давлатлари бўлди. Энг кўп аскар шу ҳудуддаги иттифоқдош республикаларидан олинди.

Маълумотларга кўра, Афғон урушида 65 минг нафар ўзбек йигитлари қатнашиб, 1 500 нафардан кўпроғи ҳалок бўлган. Уларнинг аксари 18-19 ёшли йигитлардир.

Туманимиздан ҳам бу дахшатли урушда 310 нафар киши қатнашган, улардан 7 нафари афғон тупроғида ҳалок бўлган бўлса, 14 нафари оғир жароҳатлар олиб ногирон ҳолда қайтишган. Айни пайтда иштихонлик 246 нафар Афғон уруши фахрийлари туманимизнинг турли соҳаларида меҳнат қилиб, ҳаёт кечиришмоқда.

Тадбир Митан шаҳарчасидаги "Шукрона" базмгоҳида давом этиб, у ерда ветеран жангчилар учун бир пиёла чой ташкил этилиб, эсдалик совғалар топширилди.

Тадбир давомида, “Ветеран” жангчи - фахрийлари ва ногиронлари республика бирлашмасининг эсдалик медалларини бирлашма раисининг ўринбосари Фурқат Ортиқов топширди.    

Иштихон туман ҳокимлиги ахборот хизмати