Tuman hokimi o'z sektoridagi mahallalarni o'rganishda davom etar ekan navbatdagi manzil "Xalqabod" MFY binosiga keldi va fuqarolar bilan uchrashdi. Qishloqning nuroniy otaxonlari tuman hokimiga mahallada mavjud bo'lgan muammo va takliflarini tuman hokimiga bildirishdi. Fazliddin Ruziyev ishchi guruhga mahallada ayni paytda eng qiyin bo'lgan muammoli masalalarni o'rganish bo'yicha topshiriq berdi. Ma'lumotlarga asoslangan holda hozirgi vaqtda "Xalqabod" MFY da bajarilishi lozim bo'lgan 260 dona yangi beton ustunlar hamda 4500 metr qishloqning ichki yo'llarini asfaltlash maqsad qilib olindi.
Ishtixon tuman hokimligi Axborot xizmati