"Yoshlar daftari-imkoniyatlar daftari!"
Ishtixon tumani 2-sektor hududi "Qiyot" mahallasida yashovchi "Yoshlar daftari"da hamda "og‘ir" toifa bo‘yicha shakllangan yoshlar ro‘yxatining nogironligi bor yoshlar toifasida turuvchi Zahriddin Qo‘nishov, Samarqand shahridagi Monomarkazning IT-yo‘nalishi bo‘yicha o‘quv kurslarini muvaffaqiyatli tamomlab Monomarkazning maxsus sertifikati bilan taqdirlandi.
Ishtixon tumani Yoshlar ishlari bo‘limi bosh mutaxassisi Obidxon Akbarov, Zahriddin Qo‘nishovning xonadoniga tashrif buyurib, unga o‘zini-o‘zi band qilishga ko‘maklashish maqsadida, "Yoshlar daftari" orqali ajratilgan noutbuk hamda esdalik sovg‘alarni topshirdi.
Ishtixon tumani Yoshlar ishlari bo‘limi tomonidan yoshlarni doimiy qo'llab-quvvatlash maqsadida ushbu amaliy ishlar davom ettirilmoqda.
Ishtixon tuman Yoshlar ishlari agentligi bo‘limi.
___
ISHTIXON TUMANI HOKIMLIGI AXBOROT XIZMATI