“Yangi hayot uchun, Yangi O‘zbekiston uchun!” shiori ostida “Mahallada duv-duv gap” loyihasi doirasidagi ma’naviy-ma’rifiy targ‘ibot tadbirlari davom etmoqda.
Bugun, 10-yanvar kuni Ishtixon tumani 2-sektor hududida joylashgan “Zarband” hamda "Beshbola" mahalla fuqarolar yig‘inlarida “Yangi hayot uchun, Yangi O‘zbekiston uchun!” shiori ostidagi “Mahallada duv-duv gap” targ‘ibot tadbiri o‘tkazildi.
Mazkur maʼnaviy-maʼrifiy va madaniy-musiqiy targ‘ibot tadbirida 2-sektor rahbariyati, tuman prokurorining o‘rinbosari Hasan Qudratov, 2-sektor kotibi Ruziyev Asror, shoira, O‘zbekiston yozuvchilar uyushmasi a'zosi Mavluda Ro'ziyeva, tuman hokimining maslahatchisi Obid Tojixonov, Zarband jome masjidi imom xatibi Mansur Rabbimov va tuman Madaniyat bo‘limi vakillari, nuroniylar, yoshlar hamda mahalla aholisi ishtirok etishdi.
Tadbirda shoira, O‘zbekiston yozuvchilar uyushmasi a'zosi Mavluda Ro'ziyeva ijodkor yoshlarga o‘zining yozgan kitoblaridan sovg‘a qildi