Махсус имкониятлар
Маълумки, ўтган ҳафтада Зулфияхоним номидаги Давлат мукофотига номзодлар саралашнинг туман босқичи бўлиб ўтди. Бу гал одатдагидан фарқли равишда 14 ёшдан 30 ёшгача бўлган истеъдодли қизлар беш эмас, балки етти йўналиш бўйича ўз иқтидорларини намойиш этишди. Қуйида танловнинг вилоят босқичига йўлланмани қўлга киритган номзодлар билан танишинг.
АДАБИЁТ ЙЎНАЛИШИ БЎЙИЧА
ЖЎРАЕВА ХАЙРИНИСО ШАВКАТ ҚИЗИ - 2003 йил 3 майда туғилган. Иштихон шаҳридаги 1- ИДУМнинг 10-синф ўқувчиси. “Орзулар сари” ва “Устозлар изидан” шеърий тўпламлари нашрдан чиққан. Бир қанча ҳикоя ва мақолалари туман, вилоят ва республика матбуотида кенг ёритилган.
Мактабда аъло баҳоларга ўқиш билан бирга жамоат ишларида ҳам фаол иштирок этади. Ўзбекистон Ёшлар иттифоқи туман Кенгаши “Камалак” болалар ташкилоти “Саломатлик ва экология” йўналиши сардори. 2018 йилда Ўзбекистон Ёшлар иттифоқи ва “Камалак” болалар ташкилотининг республика сардорлар анжуманидаги фаол иштироки учун махсус сертификат билан тақдирланган.
СПОРТ ЙЎНАЛИШИ БЎЙИЧА
ЭРГАШЕВА МАФТУНА ШЕРМАМАТ ҚИЗИ - 1998 йил 13 мартда туғилган. Ўзбекистон Давлат Жисмоний тарбия институти 3-босқич талабаси.
Бир неча йилдан буён спортнинг армрестлинг ҳамда “Таэквандо WTF” турлари бўйича нуфузли танловларда иштирок этиб келади. Хусусан, 2016 йилда “Таэквандо WTF” спорт тури бўйича икки карра Ўзбекистон чемпионатининг мутлоқ ғолиби бўлиб, олтин медаль ҳамда диплом билан тақдирланган. 2017 йилда Дубайнинг Фужара шаҳри ҳамда Қозоғистоннинг Атрау шаҳрида катталар ўртасида ўтказилган халқаро турнирларда бронза медали соҳибаси бўлди.
ХАЙРУЛЛАЕВА НАСИБА ПИРМАМАТ ҚИЗИ - 2001 йил 25 ноябрда туғилган. Туман Халқ таълими бўлимига қарашли 1-умумий ўрта таълим мактабининг 11-синф ўқувчиси.
Насиба спортнинг бокс тури билан мунтазам шуғулланади. У республика ва халқаро турнирларда фаол қатнашиб келмоқда. Хусусан, 2018 йилда Қозоғистонда бўлиб ўтган хотира турнирида 57-килограммлик вазн тоифасида ғолибни қўлга киритган. 2019 йилда эса олимпия чемпиони Ермакхон Ибраимов соврини учун бўлиб ўтган Халқаро бокс турнирида фахрли биринчи ўрин соҳибаси бўлди.
ТАЪЛИМ ЙЎНАЛИШИ БЎЙИЧА
КЕЛДИБОЕВА МУШТАРИЙБОНУ МАНСУР ҚИЗИ- 2003 йил 10 июлда туғилган. Туман Халқ таълими бўлимига қарашли 2- ихтисослаштирилган Давлат умумий ўрта таълим мактабининг 10- синф ўқувчиси.
Муштарийбону барча фанлар, айниқса, она тили ва адабиёти фанига меҳр қўйган. Шеъриятни севади, тилшунослик сирларини қунт билан ўрганишга интилади. Қатор йиллардан буён фан олимпиадаларининг туман ва вилоят босқичларида фаол қатнашиб келади. Хусусан, 2017 йилда она тили фанидан ўтказилган билимлар беллашувининг вилоят босқичида ғолибликни эгаллаган ва республика босқичининг фаол иштирокчиси сифатида махсус диплом билан тақдирланган.
ЖАМОАТЧИЛИК ЙЎНАЛИШИ БЎЙИЧА
Раҳмонова Хуршида Ортиқ қизи - 2000 йил 12 февралда туғилган. Самарқанд Давлат университетининг 1-босқич талабаси.
Ўзбекистон Ёшлар иттифоқи туман Кенгашининг энг фаол ва зукко аъзоларидан бири сифатида ҳурмат қозонган. Ўзбекистон Республикаси “Миллий тикланиш” партияси “Аёллар қаноти” фаоли. 2018 йилда Ўзбекистон Ёшлар иттифоқи томонидан ўтказилган “Бағрикенг Ўзбекистон” танловининг республика босқичида иштирок этган. Шунингдек, Ёшлар иттифоқи ташкилотчилигида бўлиб ўтган “Мунозара” танловининг “Энг фаол ўқувчи” номинацияси ҳамда Самарқанд телеканалида ўтказилган “Зукко” интеллектуал танловида фахрли биринчи ўринларни қўлга киритган.
ФАН ЙЎНАЛИШИ БЎЙИЧА
ДАМИНОВА МАРЖОНА ИСКАНДАР ҚИЗИ - 2003 йил 1июлда туғилган. 21-умумий ўрта таълим мактабининг 10-синф ўқувчиси.
Маржона биология фани бўйича қатор йиллардан буён билимлар беллашуви ва фан олимпиадаларида фаол қатнашиб келади. У ушбу фандан бўлиб ўтган билимлар беллашувининг вилоят босқичида 1-ўринни эгаллаб, республика босқичидаги намунали иштироки учун махсус диплом билан тақдирланган.
МАДАНИЯТ ЙЎНАЛИШИ БЎЙИЧА
ҚЎЧҚОРОВА ЗЕБИНИСО МЕРОЖХОН ҚИЗИ- 2004 йил 23 ноябрда туғилган. 30-умумий ўрта таълим мактаби 9-синф ўқувчиси. Зебинисо Зулфияхоним таваллудига бағишлаб ўтказилган “Замонамиз куйчиси” кўрик-танловининг республика босқичида “Энг чиройли овоз соҳибаси” номинацияси бўйича махсус диплом билан тақдирланган. 2016 йилдан буён “Камалак юлдузлари” кўрик-танлови республика босқичида мунтазам равишда иштирок этиб, ғолиблар сафидан ўрин олиб келади.
САНЪАТ ЙЎНАЛИШИ БЎЙИЧА
ҲАЙДАРОВА НИГИНА ҲУСАН ҚИЗИ - 2003 йил 3 апрелда туғилган. 75-умумий ўрта таълим мактабининг 10-синф ўқувчиси.
Нигина ҳайкалтарошлик санъатига жуда қизиқади. Бир неча йилдан буён ушбу йўналишда ўз маҳоратини намойиш этиб келади. 2018 йилда “Ўз асарларида миллийликни акс эттирган дизайнер” йўналиши бўйича I-даражали биплом билан тақдирланган.
***
ҚАРШИЕВА АЗИЗА ЮНУС ҚИЗИ - 1996 йил 4 октябрда туғилган. “Баркамол авлод” болалар маркази “Мунчоқли безак” йўналиши тўгарак раҳбари.
Азиза болалар марказида ёшларга миллий ҳунармандчилик сирларини ўргатади. 2017 йилда унинг шогирди Ирода Шукурова “Ижодкор болалар” фестивалининг вилоят миқёсида ғолибликни эгаллаган. Шунингдек, унинг шогирдлари республика миқёсидаги кўргазмаларда ҳам ўз ижодий ишлари билан иштирок этиб келишади.
ТУМАН ХОТИН ҚИЗЛАР
