МОҲИР ТЕРИМЧИЛАРГА СОВҒАЛАР ТОПШИРИЛДИ

4-сектор ҳудудидаги “Ўртақишлоқ” фермер хўжалиги далаларида меҳнат қилаётган теримчиларни 15 октябрь — Қишлоқ аёллари куни билан қутлаш мақсадида туман ҳокими ўринбосари, хотин-қизлар қўмитаси раиси Н.Явқочева, ДСИ бошлиғи Б.Тошқулов теримчилар ҳузурида бўлишди. Шунингдек, кунлик теримда 100-120 килограммдан пахта тераётган Гулноз Исмоилова, Ҳувайда Ғаниева, Барно Раббимова, Ижобат Қорабоева каби 70 нафардан ортиқ моҳир теримчиларга совғалар топширилди.

 – Бу йил 46,7 гектар майдонга пахта экканмиз, –  дейди фермер хўжалиги бошқаруви раиси Сулаймон Ғаниев. – 142 тонна пахта топшириш режалаштирилган. Ҳали биринчи терим тугамасдан қабул манзилгоҳларига 70 тоннадан ортиқ пахта топширдик.Қисқа вақтда йиллик режани бажарамиз.

Шунингдек, туман 1- сонли маданият уйининг санъаткорлари Шароф Равшанов, Акмал Ибрагимов, Илҳом Манноновлар дилбар қўшиқлари билан теримчилар дилини хушнудликка тўлдирдилар.