Махсус имкониятлар
1. Аксириш ва йўтал натижасида ҳосил бўладиган томчилардан узоқлашиш учун қанчалик масофа сақлаш лозим?
Аксириш ва йўтал натижасида ҳосил бўладиган ҳаво томчиларидан четлашиш учун ўзингиз билан бошқалар орасида, айниқса юқори нафас олиш йўлларининг инфекцияланишидан азият чекаётган шахслардан тахминан 1 метр масофа сақлашингиз лозим.
2. Бурунни тузли эритма билан мунтазам равишда чайиб туриш тожсимон вирус юқишидан сақланишга ёрдам берадими?
Йўқ, бурунни тузли эритма билан мунтазам чайиш тожсимон вирус- дан ҳимоя қилиши ҳақида илмий далил йўқ. Бурунни тузли эритма билан мунтазам чайишнинг шамоллашни даволашда фойдаси борлиги ҳақида далиллар бор. Лекин бурунни мунтазам чайиш нафас йўли касалликларидан сақлаши исботланмаган.
3. Тожсимон вирус инфекциясидан сақланиш учун оғизни ғарғара қилиб чайиш ёрдам берадими?
Йўқ, тожсимон вирус инфекциясидан сақланиш учун оғизни чайиш кераклиги ҳақида ҳеч қандай илмий далил йўқ.
4. Ўзимни тожсимон вирусдан ҳимоя қилиш учун тиббий ниқоб тақишим керакми?
Тиббий ниқобни тақиш нафас олиш йўли орқали юқиши мумкин бўлган баъзи касалликларнинг тарқалишини чеклашда ёрдам беради. Шу билан бирга, ниқобнинг ёлғиз ўзидангина фойдаланиш инфекцияни тўхтатиш кафолатини бермайди. Бошқа профилактика чораларини ҳам бирга қўллаш лозим. Жумладан, қўл ва нафас тизими гигиенасига риоя қилиш, ўзингиз билан нафас олиш йўлининг юқумли касалликларидан азият чекаётганлар орасида хавфсиз масофани сақлаш зарур. Энг оз масофа 1 метр ҳисобланади. Тиббий ниқобларни қўллашда исрофгарчиликка йўл қўймаслик учун Бутунжаҳон соғлиқни сақлаш ташкилоти тожсимон вирус билан касалланган, деб тахмин қилинган ёки исботланган шахслар ҳамда уларнинг парваришида турган тиббиёт ходимлари ва мулоқот қилувчиларга тиббий ниқоблардан фойдаланишни тавсия қилади.
https://t.me/Ishtixon_Tuman_Hokimligi
