Tuman markazining ustozlar xiyoboni maskanida 1-sektor rahbarining xalq qabulxonasi va hokim yordamchilari bilan birgalikdagi navbatdagi sayyor qabuli o’tkazildi. Sayyor qabulda 
Viloyat Oila va xotin-qizlar boshqarma boshlig'i Zebiniso Rahmonova ham ishtirok etdi. Qabulda fuqarolar bir qator muammoli masalalari bilan sektor rahbarlariga murojaat qilishdi.  Xususan, Xoʻjaqoʻrgʻon MFY da yashovchi Dilafro’z Ortiqova tuman hokimiga ishga joylashish masalasida yordam so'radi, murojaat egasi shu zaxoti Koʻktepa mahallasidagi tikuvchilik sexiga ishga qabul qilinadigan boʻldi, 

Tuman hokimi bugun M. Jo'rayev Muqobil MTP hududidagi "Suyonov Jo'ra Bobo" fermer xo'jaligida bo'lib, 2023-yil hosili uchun sug'orib, haydaladigan yer maydonlarida kuzgi boshoqli don ekinlarini ekish ishlarini guvohi bo'ldi. Darhaqiqat, bu yil g'alla  hosili uchun  259 ta fermer xo'jaliklari va 2 ta klaster korxonasi tomonidan 7380 gektar (shundan ochiq maydon 1880 gektar, G'o'za qator orasida 5500 gektar) kuzgi boshoqli don ekinlari ekilishi rejalashtirilgan. Ayni damda g'allaning Antonina,  Pervisa, Tanya va boshqa navlari ekilmoqda.

Bugun kunning ikkinchi yarimida Ishtixon tumani hokimi, Paxtachi tumani hokimi Muzaffar Xamdamovni "Shayxlar" MFY hududidagi Prezident ta'lim muassasalari agentligi tasarrufidagi ixtisoslashtirilgan maktab faoliyati bilan tanishtirdi. Ikkala tuman hokimlari u yerdagi shart-sharoitlar, sinfxonalar holati, o'qituvchilar xonasi, shuningdek, binoning hovli qismidagi yakuniy ishlarni  ko'zdan kechirishdi.

Ishtixon tuman hokimligi Axborot xizmati

Tuman hokimi kecha “To’sinsoy” suv omborini o'zi borib o'rganib, manzildan qaytishda olis va chekka hududlardan biri bo'lgan “Boqon” MFY Qoraqiya qishlog'ini ko'zdan kechirdi va u yerning aholisini yashash tarzi bilan qiziqdi. Darhaqiqat, Qoraqiya qishlog'ida hozirda 730 xonadon joylashgan bo'lib, aholi soni 4000 ga yaqin nafarni tashkil etadi. Tuman hokimi yo'llar mutlaqo, talabga javob bermasligi, tez orada bu yo'llarni ta'mirlanishi yuzasidan mutasaddilarga topshiriq berilishini bildirdi. 

Ishtixon tuman hokimligi Axborot xizmati