Ҳудудлардаги йўл бўйлари, ўрмон хўжаликлари ва бошқа яшил майдонларда парвариш қилинаётган игна баргли, манзарали дарахт ва буталарга катта зарар етказаётган Арча унсимон қуртига қарши уйғунлашган тадбирлар олиб бориш самарали кураш тури ҳисобланади. 

Шунинг учун ҳам вилоят ҳудудида жорий йил 26 апрелдан 10 майга қадар Арча унсимон қуртига қарши курашиш мақсадида “Долзарб ўн беш кунлик” эълон қилинди.

 Бугун туман ҳокимлиги томонидан "Ҳумо" маҳалла фуқаролар йиғинидаги "темир дафтар"даги 3 та хонадонга мотокультиваторларни туман ҳокими Шуҳрат Негматов номидан, ҳоким ўринбосари Ш.Ибрагимов топширди.

Ушбу мотокультиваторларни бепул берилишидан мақсад, ҳозирги кунда "Ҳумо" МФЙда намуна сифатида экилиши кенг жорий этилаётган "Шафран" ўсимлигини етиштиришда агротехник ишлов бериш жараёнларида аҳолининг бандлигини таъминлаш, уларни ҳар томонлама қўллаб - қувватлашдан иборатдир.

Иштихон туман ҳокимлиги ахборот хизмати

Ички ишлар вазирлиги Йўл ҳаракати хавфсизлиги бош бошқармаси 2021 йилнинг 3 ойида содир этилган йўл-транспорт ҳодисалари бўйича таҳлилий маълумотни эълон (https://t.me/yhxbb_uz/9559) қилди.

Республика бўйича 1491 та йўл-транспорт ҳодисаси (ЙТҲ)да 394 нафар қурбон бўлган, 1168 нафар киши жароҳат олган. Самарқандда эса 3 ойда 162 та шундай хунук ҳодиса содир бўлган.

ЙТҲга учраган ҳайдовчиларнинг энг кўпи 23-27 ёшга тўғри келмоқда.

Энг кўп ЙТҲ белгиланган тезликнинг меъёридан оширилгани сабабли юз берган.

Президент Шавкат Мирзиёевнинг шу йил 15-16 апрель кунлари Самарқанд вилоятига ташрифи давомида Иштихон туманини ижтимоий-иқтисодий ривожлантириш борасида ҳам бир қатор таклиф ва тавсияларини билдирди.

Маълумотларга кўра, бугунги кунда туманда 62 маҳалла мавжуд бўлиб, 42 минг 366 хонадон, 55 минг 910 оила истиқомат қилади. Бу оилаларда хатлов ўтказиш натижасида “Темир дафтар”га 2953 хонадон киритилган. Бугунги кунда 2433 хонадон рўйхатдан чиқарилган.